Янги чемпионатга пойтхатимизда ҳозирлик кўраётган Ғузорнинг "Шўртан” ва Зарафшоннинг "Қизилқум” клублари бугун "Қибрай” стадионида назорат учрашувини ўтказишди.
Қизиқарли ва кескин курашларга бой бўлган учрашувда жамоалар муроса кўчасини танлашди – 1:1.
Жамоалар учрашувни қуйидаги таркиб билан бошлашди:
"Шўртан”: (1-бўлим) А. Корнейчук, А. Алиқулов, Ҳ. Каримов, Р. Бердимуродов, В. Пономарёв, Б. Қодирқулов, А. Мерзляков, А. Соро, В. Афонин, В. Рушницкий, И. Таран.
(2-бўлим): М. Наумов, Я. Крушелницкий, П. Агбо, Ғ. Рахмонов, Л. Убайдуллаев, Ж. Аҳмедов, В. Клишин, А. Амонов, М. Мамазулумов,
"Қизилқум”: (1-бўлим) Э. Тожибоев, А. Агалиев, Т. Кагиров, Р. Боқиев, А. Усачёв, А. Абдуллаев, А. Власичев, Ғ. Ўрунов, А. Бобожонов, Ф. Нишонов, С. Шихов.
(2-бўлим): Э. Жабборов, И. Отабоев, И. Ильин, Ф. Ҳайдаров, Ф. Бобоқулов, Т. Мирзаев.
"Шўртан” биринчи бўлимда Вадим Афониннинг киритган голи эвазига биринчи бўлимда ғалаба қозонган бўлса, иккинчи бўлимда Игорь Криушенко иккинчи таркибни майдонга туширди. Тўлқин Мирзаевнинг йўллаган зарбасини Михаил Наумов қайтарди, қайтган тўпга биринчи бўлим етиб келган Азамат Бобожонов эса қийинчиликсиз "Шўртан” дарвозасини ишғол этиб, мувозанатни тиклади.
Учрашувнинг энг кўнгилсиз воқеаси биринчи бўлим якунларига келиб содир этилди. Тўп учун курашда Раҳматилло Бердимуродов ва Ҳамза Каримовлар кутилмаган тўқнашиб кетишди. Натижада, Раҳматилло Бердимуродов оғир жароҳат олиб, касалхонага олиб кетилди. Футболчининг қанча муддатга сафдан чиққанли рентген текширувидан сўнг аниқ бўлади.
манба : fcshurtan.uz
|
