ФИФА раҳбарияти Англия
парламенти ва маданият, спорт ва ОАВ қўмитаси раҳбари Жон Уиттенгдейлга жавобан
очиқ хат йўллашга қарор қилди.
Бундан бироз вақт олдин
Англия парламенти мамлакатнинг 2018 йили бўлиб ўтадиган жаҳон чемпионати мезбонлиги
учун тайёрлаган аризасининг қабул қилинмаганлиги борасида суриштирув ишларини
олиб борган эди. Суриштирув ишлари якунида инглизлар ФИФАни коррупцияда
айблаган. Унга кўра, 2022 йилги жаҳон чемпионати фақатгина пора эвазига Қатарга
берилгани айтилмоқда.
Бироқ ФИФА порахўрлик иши
юзасидан аниқ далиллар талаб қилмоқда. Халқаро футбол ташкилоти инглизлардан
ушбу иш юзасидан аниқ далилларни кўрсатишларини ва агарда бундай далиллар
мавжуд бўлмаса, дарҳол асоссиз танқидларни тўхтатишни талаб қилган.
Англияга ФИФА томонидан
жўнатилган хатга ташкилот бош котиби Жером Валькенинг имзоси қўйилган. Хатнинг
умумий ҳажми уч саҳифани ташкил қилади.
| 
