«Олмалиқ» жамоаси янги мавсумга тайёргарлик босқичида сўнгги назорат учрашувини ўтказди.

Мазкур баҳсда асосан "Олмалиқ” ёшлар жамоаси майдонга тушди. Шунингдек, таркибда жароҳатдан фориғ бўлган Александр Востриков ҳамда асосий таркиб аъзолари ҳисобланувчи Абдураззоқ Жўраев, Азамат Исроилов, Тимур Галимов ва Суҳроб Бердиевлар ҳам тўп суришди.

Биринчи таймда мамлакат ёшлар терма жамоаси вакиллари иккита гол уришга эришишди. Биринчи голни "Олмалиқ” ҳужумчиси ҳисобланган Александр Лупашко киритган бўлса, орадан кўп ўтмай "Динамо” аъзоси Омад Тайлоқов ҳисобни 2:0га етказди.

Иккинчи таймда Александр Востриков ҳисобни қисқартиришга эришди. Беш дақиқа ўтиб айнан Востриковнинг ўнг қанотдан уюштирган ҳужуми ҳисобни тенглашишига олиб келди. Жарима майдони сари оширилган тўпни қайтаришга уринган Бобур Йўлдошев ўз дарвозасини нишонга олди. Ўйин якунланишига оз вақт қолганида Дмитрий Хутов пенальтидан ҳисобни жамоаси тарафига ўзгартирди.


"Олмалиқ” – Ўзбеки ... Читать дальше »

Ҳиндистон футбол Федерацияси президенти Прафул Пател ўтган ҳафтада ФИФА президенти Зепп Блаттер билан бўлиб ўтган учрашуви чоғида, ўз мамлакатининг 2015 йилдаги клублар ўртасидаги жаҳон чемпионатига мезбонкли қилиш нияти борлигини айтиб ўтган.

ҲФФ президенти шунингдек, 2017 йилдаги ўсмирлар ўртасидаги жаҳон чемпионатига ҳам мезбонлик қилишни истаётганлиги ва бунинг учун ҳозирдан барча тайёргарлик ишларини бошлаб юборишини маълум қилган.

Тасдиқланмаган маълумотларга қараганда, ўсмирлар ўртасидаги жаҳон чемпионати мезбонлигини Ҳиндистонга беришга ФИФА қарши эмас. Аммо, клублар ўртасидаги жаҳон чемпионатини ҳам ўзида ўтказиш таклифнини билдирган Ҳиндистон ФФсининг қарори уларни ажаблантирган.

Ушбу мусобақаларга ким мезбонлик қилиши ҳақидаги якуний қарор шу ойда, Цюрихдаги ФИФА штаб-квартирасида бўлиб ўтадиган навбатдаги йиғилишда маълум бўлади.

Ўзбекистон олимпия терма жамоаси Олий Лиганинг «Локомотив» клуби билан 3:3 ҳисобида дуранг ўйнади.

Вадим Абрамов шогирдлари январь ойида ҳам «Локомотив»га қарши ўртоқлик ўйинида майдонга тушиб, ўшанда 4:1 ҳисобида ғалаба қозонишган эди. БАА олимпиячиларига қарши ҳал қилувчи саралаш ўйини олдидан ташкил этилган ва, аслида, 9 март куни ўтказилиши керак бўлган ўртоқлик учрашувида Ўзбекистон олимпия терма жамоасига осон бўлгани йўқ.

«Жар» стадионининг машғулотлар майдонида, қор ёғини остида кечган ўйинда ҳисоб 20-дақиқада, олимпия терма жамоаси яримҳимоячилари ва ҳимоячилари ўртасидаги тушунмовчиликдан сўнг, «Локомотив» тўпурари Зайниддин Тожиевнинг Қувватов билан яккама-якка вазиятга чиқиб кетганидан сўнг очилди. Орадан кўп ўтмай, захирадан майдонга тушган ҳимоячи Мурод Холмуҳаммедовнинг хатоси сабаб, «Локомотив» ҳужумчиси Александр Шадрин жамоадоши Жора Оганесянни дарвозабонни билан юзма-юз ҳолатга чиқарди — бу вазиятда «Локомотив» устозининг ўғли олимпиячилар посбонини ... Читать дальше »

ЎФФ Ҳакамлар ва назоратчилар бошқармаси Ўзбекистон чемпионати 21-мавсумининг 1-тур ўйинлари учун ҳакамлар ва назоратчиларни тайинлади.

Унга кўра, 15 март куни бўлиб ўтадиган "Бухоро” – "Пахтакор” учрашувини Равшан Эрматов бошчилигидаги ҳакамлар гуруҳи бошқариб боради. Яна бир ФИФА рефериси Владислав Цейтлин эса "Динамо” ва "Насаф” жамоалари ўртасидаги ўзига хос "дерби”га ҳакамлик қилади.

15 март, пайшанба
БУНЁДКОР (Тошкент) — МАШЪАЛ (Муборак)
Ҳакамлар: Б.Тоғаев (Тошкент), А.Цапенко (Тошкент вилояти), А.Снетков (Тошкент вилояти), Д.Каримов (Тошкент)
Назоратчи: Валицкий В. (Тошкент)

ОЛМАЛИҚ (Олмалиқ) — НЕФТЧИ (Фарғона)
Ҳакамлар: О.Толибжонов (Тошкент), Р.Серазитдинов (Тошкент), Б.Норсафаров (Қарши),
Т.Тўхтасинов (Андижон)
Назоратчи: В.Штерн (Тошкент)

ДИНАМО (Самарқанд) — НАСАФ (Қарши)
Ҳакамлар: В.Цейтлин (Тошкент), А.Миронов (Тошкент), А.Букатин (Тошкент), З.Қодиров (Навоий)
Назоратчи: С.Эрматов (Тошкент)

БУХОРО (Бухоро) — ... Читать дальше »

Хабарингиз бор, Ўзбекистонда ўз ўрни ва мухлисларига эга бўлган "Замин FМ" радиоси "Fair Play” номли дастурни тақдим этиб келмоқда. Мазкур дастур ўзбек ва жаҳон футболидаги энг сўнгги маълумотларни бериш билан бирга, уларда кузатилаётган муаммоларни мутахассислар ёрдамида ечиб боришга ҳаракат қилади. Дастурнинг навбатдаги меҳмони "Sport” телеканали шарҳловчиси Даврон Файзиев бўлади.

Дастур мобайнида сиз нафакат саволларингизга жавоб олишингиз, балки бир қатор қизиқарли лойиҳаларда ҳам иштирок этишингиз мумкин. Дастурни "Замин FМ” радиоси бошловчилари Одилжон Каримов ҳамда Камолиддинлар олиб боришади.

Шундай экан, шанба соат 16.00дан бошлаб "Замин FМ” радиосида эфирга узатиладиган "Fair Play” дастурига марҳабо, ҳурматли футбол мухлислари! Эслатиб ўтамиз, "Замин FМ” радиосини Тошкентда 105,8, Фарғона, Наманган ва Андижонда 107,3, Самарқандда 106, Бухорода эса, 107,4 Мгц тўлқинларида тинглашингиз мумкин.

Манба: www.uff.uz

Куни кеча Саудия Арабистони лигасида 21-тур ўйинлари бўлиб ўтди. Ҳамюртимиз Сервер Жепаров тўп тепаётган «Ал Шабаб» клуби сафарда «Ал Наср» клуби билан куч синашди. Ўйиннинг 44-дақиқасида Муҳаммад Ал Саҳлави ҳисобни очди – 1:0. Иккинчи бўлимда меҳмонлар ҳужумчиси Носир Ал Шамрони 59 ва 75-дақиқаларда голлар уриб жамоасига ғалаба келтирди. Иккинчи голни пенальтидан киритганини таъкидлаш лозим. Умуман Шамрони айни пайтда 17 та гол билан чемпионат тўпурари бўлиб турибди. Championat.uz нинг аниқлашича бу ўйинда Сервер Жепаров 14-дақиқадаёқ майдонни тарк этган. Кўп эҳтимол билан футболчимиз жароҳат олган. «Ал Шабаб» ушбу ғалабадан сўнг 21 та ўйиндан 53 очко билан мусобақа жадвалида ҳамон биринчи ўринда бормоқда. Клуб кейинги учрашувда 15 март куни «Ал Фотих» клубини ўз майдонида қабул қилади.

«Ал Наср» - «Ал Шабаб» 1:2
Голлар: Муҳаммад Ал Саҳлави 44 - Носир Ал Шамрони 59, 75 пен.


манба : championat.uz

Бугун Самарқанддаги «Президент» меҳмонхонасида «Динамо» клуби аъзолари билан мавсумолди учрашув ташкил этилди.

Маросим 11:00да бошланди ва унда йигирмадан ортиқ оммавий ахборот воситалари, мухлислар, клуб мутасаддилари, мураббийлар ва футболчилар иштирок этишди. Йиғинни СТP журналисти Дилмурод Дўстмуродов олиб борди. Унинг учрашувни очиқ деб эълон қилганидан сўнг даврага клубнинг аъзолари мураббий бошчилигида бирма-бир қарсаклар остида чиқиб келишди.

Биринчи бўлиб сўзга «Динамо» клубининг жонкуяр вакилларидан бири бўлган Ҳасан Норбекович Нормуродов чиқди ва клуб тарихи, бугунги шароитлар ҳақида алохида тўхталиб ўтди. Шундан сўнг «Динамо» тарихига ва ўйинларига оид лавҳалар намойиш этилди. Аҳмад Убайдуллаев сўзга чиқиб жамоа таркибидаги ўзгаришлар ва янги келган ўйинчилар ҳақида айтиб ўтди.

Вилоят ҳокими ҳам «Динамо» стадиони ва клубга оид кўплаб маълумотларни айтиб ўтди. Шундан сўнг футболчиларга янги формалар ва рақамлар топширилди. Вилоят футболиг ... Читать дальше »

Тошкент вилоятининг "Олмалиқ" клуби Тошкентдаги йиғинларини тугатиб, Ўзбекистон чемпионатига тайёргарлик кўриш учун Олмалиққа кўчиб ўтди, дея хабар қилади ЎФФ расмий твиттери.

Манба: the-uff.com.

Янги чемпионатга пойтхатимизда ҳозирлик кўраётган Ғузорнинг "Шўртан” Алексей Естафеев бошчилигидаги терма жамоамиз (U-22) билан ўзаро ўртоқлик учрашувини ўтказди.

Голларга бой бўлган учрашувда Игорь Криушенко бошчилигидаги "оқ бўрилар” йирик ҳисобда ғалаба қозонишди.

Игорь Криушенко қуйидаги футболчиларни синаб кўрди:

"Шўртан”: М.Наумов, А.Алиқулов, Ҳ.Каримов, Л.Убайдуллаев, В.Пономарёв, Б.Қодирқулов, А.Мерзляков, А.Соро, В.Афонин, М.Мамазулумов, И.Таран.
Захирадан майдонга тушганлар: А.Корнейчук, Я.Крушелницкий, П.Агбо, Ғ.Раҳмонов, Л.Убайдуллаев, Ж.Аҳмедов, В.Клишин, А.Амонов, В.Рушницкий,

Катта устунликка эга бўлган "Шўртан” футболчилари Алексей Естафеев шогирдларини 4:1 ҳисобида мағлуб этишди. Киритилган биринчи голга Игорь Таран муаллифлик қилган бўлса, иккинчи голни киритиш ҳам Таранга насиб этди. Виктор Мочалов дарвозасига белгиланган пенальтини аниқ амалга оширган Мўйдин Мамазулумов жамоасининг учинчи голини киритди. "Шўртан”нинг сўнгги голини ... Читать дальше »

Футзал бўйича 2012 йилги Осиё чемпионати ўйинлари «Nike»нинг «Rolinho Premier» (Ролиньо Премьер) тўпларида ўтказилади.

ОФК Мусобақалар бўлими маълумотига кўра, футзал бўйича Осиё чемпионати финал қисмида иштирок этувчи ҳар бир терма жамоага, мусобақа ўтказилувчи мамлакатга келишлари билан, 10тадан «Nike Rolinho Premier» тўплари тақдим этилади.

Футзал бўйича 2012 йилги Осиё чемпионати 25 май – 1 июнь кунлари Бирлашган Араб Амирликларида бўлиб ўтади. Мусобақада, Ўзбекистон футзал терма жамоасидан ташқари, Австралия, Хитой, Хитой Тайпейи, Индонезия, Эрон, Япония, Кувайт, Қирғизистон, Ливан, Қатар, Жанубий Корея, Таиланд, Тожикистон, Туркманистон терма жамоалари ҳам иштирок этади.

Футзал бўйича Осиё чемпионатига қуръа ташлаш маросими 11 март, якшанба куни бўлиб ўтади.