| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Октябрь » 31 » Анатолий Демьяненко: ОЧЛда кучимизни синаб кўриш — қизиқарли бўлади
19:12 Анатолий Демьяненко: ОЧЛда кучимизни синаб кўриш — қизиқарли бўлади |
"Насаф"нинг ОФК кубоги чемпионлигини қўлга киритгани украиналикларни ҳам бефарқ қолдирмади. Албатта, улар ўз ҳамюртлари бўлмиш Анатолий Демьяненконинг муваффақиятини хурсандчилик билан қабул қилишди.
— Менимча, Украинадан қўнғироқ қилиб, сизни табриклаганлар кўп бўлган бўлса керак-а, — дейди Демьяненкога қўнғироқ қилган украиналик журналист.
— Раҳмат. Ҳақиқатан ҳам, финал ҳуштаги янграганидан кейин телефоним қўнғироқлар кўплигидан портлаб кетай деди.
— Финал ўз майдонингизда бўлгани ғалаба учун ҳал қилувчи омил бўлдими?
— Албатта, бу қўшимча ҳиссий иштиёқ берди. Бошқа томондан бу катта масъулият. Жамоа шу пайтгача бундай даржадаги ўйинда иштирок этмаганди, боз устига, ўз мухлислари кўз ўнгида. Бу ўйинга мухлислар бутун Ўзбекистондан ташриф буюришди. Бу ўзбек жамоаларининг бундай савиядаги мусобақадаги илк ютуғи.
— Мусобақанинг қайси босқичида Кубокни ютиш мумкинлигини тушуниб етдингиз?
— Гуруҳ босқичидан кейин. Биз гуруҳ босқичининг барча ўйинларини ишонч билан енгиб ўтдик. Тўплар нисбати +26. Бу барча гуруҳлардаги энг яхши кўрсаткич эди. Йигитларга кейинги босқичларда рақиб жиддийроқ бўлишини таъкидлаб ўтдим. Финалгача етиб бордик ва унда яхши ўйин кўрсатдик. Баракалла. Агар ғалаба қозона олмаганимизда, адолатсизлик бўларди.
— Финал ҳуштаги янграганидан кейин бутун шаҳар бўйлаб байрам бошлангандир?
— Албатта — мушакбозликлар, мусиқалар, рақслар бўлди.
— Ғалаба муносабати билан футболчиларга дам олиш куни берилгандир?
— Йўқ, одатдаги режимда ишлашда давом этамиз. 1 ноябрь куни ўйинимиз бор. Шунинг учун дам олишга вақт йўқ.
— Украинада Ўзбекистон футболини яхши билишмайди. "Насаф"ни бизнинг қайси жамоа билан таққослаган бўлардингиз?
— (кулади) Таққослаш қийин. Лекин, назаримда, "Насаф" Украинада еврокубокларга чиқиш учун курашган бўларди.
— "Насаф" ОФК кубогида 10та гол муаллифи бўлган черногориялик ҳужумчи Бошкович ўйини орқасидан муваффақиятга эришди, деса бўладими?
— Бизда яхши савиядаги футболчилар кўп. Етакчилар борасида гапирадиган бўлсам, бугун бир футболчи етакчиликни қўлга олса, эртага — бошқаси. Бошкович кўпгина ҳал қилувчи голларни урди. Бу ҳужумчи учун керакли бўлган энг муҳим нарса. Лекин айнан финалда у гол ура олмади.
— Мавсумнинг якунида "Насаф" олдида яна қандай вазифалар турибди?
— Ҳозирча чемпионат якунланишига 3та тур қолганида 2-ўринда боряпмиз. Бу ўринни сақлаб қолишимиз керак. Биз келаси йили клуб тарихида илк марта Осиё чемпионлар лигасида иштирок этамиз. Энди бу бошқа савиядаги мусобақа. ОФК кубогидан юқори ҳисобланган мусобақа. Унда ҳам ўз кучимизни синаб кўриш қизиқарли бўлади. Шунингдек, бизни Ўзбекистон кубоги финалида "Пахтакор" билан ўйин кутиб турибди.
— ОФК кубогидаги ғолиблик учун қандай мукофот ва совғалар кўзда тутилган?
— Нимадир берилса керак. Бу ерда бироз бошқачароқ тизим. Футбол клублари хусусий эмас, давлатники. Ғалабамиз — маҳаллий футбол учун катта ютуқ ҳисобланади. Шунинг учун ютуғимиз раҳбарият томонидан эътиборсиз қолдирилмаса керак. Қарши шаҳрида давлат раҳбари келганида биз у билан 15 дақиқа суҳбатлашдик. У Украинада футболнинг ривожланиши, инфратузилмаси ҳақида сўраганди. У биздан мухлисларга ОФК кубогини совға қилишни сўраганди. Биз уни уддалаганимиздан хурсандмиз.
Манба: www.sport.segodnya.ua
|
|
Категория: Интервью |
Просмотров: 499 |
Добавил: 11x11
| Рейтинг: 0.0/0 |
| |
 | |  |
|
