"Жар” стадионида Ўзбекистон миллий терма жамоаси ва амалдаги чемпион
"Бунёдкор" футбол клублари ўртасида хайрия ўртоқлик учрашуви бўлиб
ўтди.
Ўйинда миллий терма жамоамиз кичик ҳисобда ғалаба қозонди. Ягона гол
учрашувнинг 85 – дақиқасида Улуғбек Бақоев томонидан киртилди.
Айтиш жоизки, шу куни "Бунёдкор”нинг айрим футболчилари терма жамоа
шарафини ҳимоя қилишди. Жумладан, Игнатий Нестеров биринчи бўлимда "Бунёдкор”
ҳужумларини қайтариб турди. Иккинчи бўлимда эса Абрамов дарвозага Павел
Бугалони қўйди. Айтиш жоизки Паша ўзига билдирилган ишончни оқлади.
Учрашувдаги ҳисоб 85-дақиқада очилди. Лутфулла Тўраев-Виктор
Карпенко-Улуғбек Бақоев комбинациясидан сўнг Улуғбек собиқ жамоаси дарвозасига
тўп киритди – 0:1. Ушбу ҳисоб ўйин сўнггига қадар сақланиб қолди ва ўртоқлик
ўйинида Ўзбекистон миллий терма жамоаси кичик ғалабани қўлга киритди.
Айтганча, мазкур хайрия учрашувини Равшан Эрматов бошчилигидаги
ҳакамлар бригадаси бошқариб боришди.
Ўртоқлик учрашуви
"Бунёдкор” – Ўзбекистон
м.т.ж 0:1 (0:0)
Ҳакамлар: Равшан Эрматов, Баҳодир Қўчқоров, Абдулҳамидулло Расулов.
Гол: Улуғбек Бақоев 85.
"БУНЁДКОР”: Акбар Тўраев, Акмал
Шораҳмедов, Саша Жоржевич, Хайрулло Каримов, Анвар Ражабов (Шавкат Саломов, 60),
Камолиддин Мурзоев, Яннис Мандзукас (Милош Трифунович, 67), Камолиддин
Тожибоев, Урош Милославлевич (Анвар Солиев, 63) (Миразиз Жалолов, 74), Дилшод
Жўраев (Дониёрбек Ҳасанов, 60), Асқар Жадигеров.
ЎЗБЕКИСТОН: Игнатий Нестеров (Павел Бугало,46), Шавкат Муллажонов
(Камолиддин Тожиев, 69), Баҳодир Насимов (Улуғбек Бақоев, 46), Одил Аҳмедов
(Анзур Исмоилов, 60), Азиз Ҳайдаров, Марат Бикмаев (Александр Шадрин, 46),
Темур Кападзе (Лутфулла Тўраев, 75), Виталий Денисов(Станислав Андреев, 46),
Ислом Тўхтахўжаев, Вагиз Галиулин (Жасур Ҳасанов,46), Санжар Турсунов (Виктор
Карпенко, 60).
Огоҳлантиришлар: Азиз Ҳайдаров 57, Александр Шадрин 60.
Ўйиндан кейинги фикрлар
Ўртоқлик ўйинидан сўнг, ҳар
иккала жамоа мураббийилари ўйин ҳақидаги фикрлари билан ўртоқлашди.
Вадим Абрамов (Ўзбекистон
миллий терма жамоаси бош мураббийи) : Бизга ўйин керак эди.
"Бунёдкор” рақиб сифатида бунга мос эди. Бу ўйин билан КХДРга қарши тайёргарлик
кўрдик. Режалаштирган ишларни бугун амалга ошира олдик.
Миржалол Қосимов ("Бунёдкор”
клуби бош мураббийи): Терма жамоамизни оғир ва муҳим ўйин кутмоқда. Шу
сабабли биз терма жамоага ёрдам бериш мақсадида ўртоқлик ўйинида иштирок этишга
рози бўлдик. КХДР билан бўладиган ўйинда терма жамоамизга омад тилайман.
| 
