Ўзбекистон ёшлар терма жамоаси Осиё чемпионати саралаш босқичида иштирок этиш учун  28 октябрь куни эрталаб соат 10:00 да Эрон пойтахти Теҳрон шаҳрига учиб кетди. Сафар олдидан эса ёшларимизга оид бир қатор янгиликлар бўлиб ўтди.

Мираброр Усмонов "ёшлар” билан учрашди

Ўзбекистон Футбол федерацияси президенти Мираброр Усмонов  24 октябрь куни "Чиғатой”да Ўзбекистон ёшлар терма жамоаси аъзолари билан учрашди. 
Осиё чемпионати саралаш босқичидаши иштирок этадиган терма жамоамизга ЎФФ раҳбари омад тилади. 
"Яқиндагина ўсмирлар терма жамоамиз Тошкентда бўлиб ўтган саралаш босқичида муваффақиятли қатнашиб, Осиё чемпионатига йўлланма қўлга киритди. Ишонаманки, сизлар ҳам бу вазифани муваффақиятли уддалайсизлар. Шахсан менинг ёшлар термасидан умидим катта. Мақсадга эришиш учун тажрибали мураббийлар ва истеъдодли футболчилар бор. Ўз навбатида футбол Федерацияси пухта тайёргарлик кўриш учун керакли барча шарт-шароитларни яратиб бермоқда ва бундан кейин ҳам шундай бўлади. Олдингизга қўйилган дастлабки вазифани уддалаш йўлида сизларга омад тилаб қоламан ҳамда ёруғ юз билан юртимизга қайтиб келишингларга тилакдошман”, - деди ўз нутқида Усмонов.
 

Сафар олидан жиддий синов

Ўзбекистон ёшлар терма жамоаси 26 октябрь куни "Жар” стадионида Тошкентнинг "Бунёдкор” клуби билан назорат учрашувини ўтказди. Ўйин 3:2 ҳисобида Ўзбекистон чемпиони фойдасига ҳал бўлди. 
Гарчи беллашувда анча тажрибали бўлган "бунёдкорчилар” зафар қучган бўлсалар-да, Аҳмаджон Мусаев шогирдлари ҳам ёмон таассурот қолдиришмади. Кучли рақибга муносиб қаршилик кўрсатишга ҳаракат қилишди.

Ўйинда Урош Милославлевич жарима зарбасидан ҳисобни очди. Сўнгра, ҳужумчи Анвар Солиев орадаги фарқни иккитага етказди. Ўзбекистон ёшлар терма жамоаси таркибидан эса, иккинчи бўлимда майдонга тушган Сергей Рекун ўзини кўрсатди ва чиройли тарзда жавоб тўпини киритди. Аммо ҳимоядаги хато эвазига Славолюб Жоржевич яна ҳисобдаги фарқни  оширди – 3:1.

Ўйин якунланишига 2 дақиқа қолганида яна ўша Сергей Рекун пенльтидан тўп киритди. Шу тариқа учрашув 3:2 ҳисобида "Бунёнкор” фойдасига ҳал бўлди.
Назорат учрашуви
ЎЗБЕКИСТОН (U-19) - "БУНЁДКОР" 2:3 (0:2)
Голлар: Сергей Рекун 65, 88-пен. - Урош Милославлевич 15, Анвар Солиев 33, Славолюб Жоржевич 67
Ўзбекистон: Асилбек Омонов (Ғанишер Холмуродов 71), Тоҳир Шамсиддинов (С), Сардор Раҳмонов, Жалолиддин Саидов, Бобур Йўлдошев (Шоҳруҳ Холматов 71), Муҳсин Убайдуллаев (Абдурасул Абдуғаниев 37), Жалолиддин Машарипов (Нурбек Нуриддинов 82), Жамшид Искандеров (Сергей Рекун 57), Игор Сергеев (Забиҳилло Ўринбоев 62), Ихтиёр Тошпўлатов (Умид Эрназаров 78), Аббос Махсталиев (Асилжон Мансуров 71)
"Бунёдкор": Игнатий Нестеров (Акбар Тўраев 46, Муҳиддин Худоёров 74), Саҳоб Жўраев (Дониёр Ҳасанов 46), Анвар Ғофуров (Хайрулла Каримов 58), Славолюб Жоржевич (Саша Жоржевич 73), Акмал Шораҳмедов (Ислом Иномов 73), Яннис Мандзукас (Алибобо Раҳматуллаев 46), Асқар Жадигеров (Дилшод Жўраев 70), Урош Милославлевич (Руслан Мелзиддинов 71), Шавкат Саломов (Анвар Ражабов 62), Анвар Солиев (Камолиддин Мурзоев 46), Милош Трифунович (Расул Шуҳратов 73).
Огоҳлантиришлар: Асқар Жадигеров 54, Дилшод Жўраев 74
Бош ҳакам: Игор Худойдотов.

Нурриддинов таркибдан четда қолди

Аҳмаджон Мусаевнинг якуний рўйхатидан жами 22 нафар футболчи ўрин олди. Маълумки, мураббийлар штаби сафар олдидан Тошкентда ўтказилган ўқув-машғулот йиғинларига 23та ўйинчини таклиф қилганди. Шунингдек, "Бунёдкор” билан бўлган назорат учрашувида ҳам йигитлар яна бир карра кўздан кечириб олинди. Ана шундан кейин терма жамоа мураббийлари якуний қарорга келиб, 22 нафар футболчини Эронга олиб кетишга қарор қилишди. Шу тариқа, Тошкентнинг "Спартак” клуби аъзоси Нурбек Нуриддинов таркибдан тушиб қолди.

Делегацияга ЎФФ терма жамоалар маркази техник директори Рустам Акрамов раҳбарлик қилади.

Қуйида футболчилар рўйхати ва уларнинг қайси рақам остида тўп суришлари келтирилган: