Кеча Фарғона марказий
ўйингоҳида мамлакатимизнинг икки гранд жамоалари ўртасида қизиқарли баҳс бўлиб
ўтди. Унда дуранг натижа қайд этилди.
Бугун ушбу ўйиндаги тасодифлар ҳақида гаплашамиз.
Биринчидан, мени ҳайратга солган нарса ўйингоҳ кассаларда чипталарнинг
бемалол сотилгани бўлди. Олдинлари бундай учрашувлардан бир кун олдин чипталар
олиб сотарлар қўлига ўтиб кетарди. Натижада мухлислар билетларни икки- уч
баробар қимматига сотиб олишарди. "Насаф”га қарши кечган ўйинда эса бунинг
гувоҳи бўлмадим. Футбол ишқибозлари бемалол бориб чипта олиб кириб кетишди. Биринчи
марта ўйингоҳдан кўнглим ёришиб чиқиб кетдим. Сал бўлса-да, тартиб бўлаётгани
учун. Умид қиламанки, «Пахтакор” билан бўладиган ўйинда ҳам шу ҳолат
такрорланади.
Ўйиндаги иккинчи тасодиф "Насаф” дарвозаси ишғол этилган вазиятда юзага
келди. Мезбонлар бурчак тўпини амалга ошираётган пайтда шерикларига ёрдамга
етиб келган Носир Отақўзиев қовун туширди. Айнан у турган жойга тўп узатилди ва Бердиев дарвозани ишғол қилди. Анвар
тепган тўп Носирнинг оёқлари орасидан ўтиб дарвоза тури билан саломлашди.
Яна бир ҳолат. Ўйинни бошқариб бораётган Рустам Саидов кўп бор
иккиланиб қарор чиқариши ҳам мени тажжубга солди.
|