| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2012 » Январь » 9 » Анатолий Демьяненко: Келажакда «Насаф» футболчиларини Украинага таклиф қиламиз
18:47 Анатолий Демьяненко: Келажакда «Насаф» футболчиларини Украинага таклиф қиламиз |
Анатолий Демьяненко бугундан бошлаб Украинанинг "Волинь" жамоасида расман иш бошлайди. Мураббийнинг сўзларига қараганда, у янги жамоасида янги ўйин услубини жорий қиларкан.
- Анатолий Васильевич, "Насаф" билан амалдаги шартномангиз мавжуд эди. Клуб билан қай тарзда хайрлашдингиз?
- Ҳеч қандай муаммо бўлмади. Футболчилар билан ҳамкорликда фаолият учун миннатдорчилик билдирган ҳолда хайрлашдим. Бу спортчининг ҳаёти, барчамиз бир-биримизни тушундик.
- Раҳбарият сизни олиб қолишга уринмадими?
- Йўқ. "Насаф" раҳбарлари - замонавий кишилар. Улар Украинага қайтишимга эътироз билдиришмади.
- "Насаф" билан шартномани муддатидан аввал бекор қилганингиз учун "Волинь" компенсация тўлайдими?
- Ҳақиқатан ҳам, шартнома муддатининг тугашига яна бир йил бор эди. Лекин биз компенсация тўловларисиз уни бекор қилдик.
- "Насаф"да мураббийлик салоҳиятингизни тўла намойиш қилдим, деб ўйлайсизми?
- Осиё футболининг ўзига хослигини унутмаслик лозим. Майдонда 4 нафардан ортиқ легионер бўлиши мумкин эмас. Энди эса уларнинг сонини 3тага туширишди. Шунга қарамай, биз ОФК кубогини қўлга киритдик, чемпионатда иккинчи ўринни эгалладик. Ушбу жамоа тарихида из қолдирдим, деб ўйлайман.
- Виталия Кварцяний билан ишни "қабул" қилиш юзасидан учрашишни режалаштирмаяпсизми?
- Билмадим, ахир ҳали кўпчилик таътилда. Бундан ташқари, менинг ўз иш услубим бор ва мен уни "Волинь"да жорий қиламан.
- "Волинь" иштирокидаги ўйинларнинг дискини кўриб чиқасизми?
- Ҳа, йиғинларда бунинг учун имкон бўлади.
- "Волинь" баланд бўйли футболчилар ва атлетик футболга эътибор қаратишдан воз кечадими?
- Мен аввал футболчиларнинг имкониятлари билан танишиб чиқишим лозим. Албатта, менинг ўз ўйин услубим бор ва албатта у Виталий Кварцянийнинг услубидан фарқ қилади.
- Агар жамоанинг ўйин услуби ўзгарса, унга янги футболчилар керак бўлади. Луцк шаҳри клубида янги футболчилар пайдо бўладими?
- Албатта. Туркиядаги йиғинимизда баъзи футболчиларни кўрикдан ўтказамиз. Такрорлайман, биринчи навбатда жамоа билан шартномаси мавжуд футболчиларнинг имкониятларини ўрганиб чиқишим керак. Туркияга 27-28 нафар футболчи йўл олади. У ерда футболчилар билан яқиндан танишиб оламиз.
- Сиз аввал ишлаган жамоалар - "Насаф" ёки "Динамо"дан футболчиларни таклиф қилишингиз мумкинми?
- Бўлиши мумкин. Лекин "Насаф" етакчилари бошқа жамоалар билан шартнома имзолаб бўлишди.Кўрамиз. Балки келажакда "Насаф" ёки "Динамо"дан ўйинчиларни таклиф этармиз.
- Матбуотда "Волинь" футболчиси Майконнинг Бельгия ва Франция чемпионатига йўл олиши ҳақида хабарлар тарқалди. Сизга бу ўйинчи керакми?
- Албатта. Унга таклифлар тушаётганидан хабаримиз бор. Бразилиялик футболчи жамоада қолиши учун барча имкониятларни ишга соламиз. Боз устига, унинг ёзгача "Волинь" билан шартномаси бор.
- Чемпионатнинг баҳор қисмида 10та ўйин ўтказилади. Бу даврда жамоа олдига қандай мақсад қўясиз?
- Албатта, 10та ўйин давомида юқори мақсадлар қўйишнинг иложи йўқ. Поезд кетиб бўлди, десак хато бўлмайди. Энг асосийси, Биринчи лигага тушиб кетиш хавфидан холос бўлиб, ўз ўйинимизни шакллантирамиз. Кейин мавсумда эса жамоа олдига жиддий мақсадларни қўямиз.
Манба: www.championat.com
|
|
Категория: Интервью |
Просмотров: 476 |
Добавил: 11x11
| Рейтинг: 0.0/0 |
| |
 | |  |
|
