Ўтган ҳафтада жазоирлик журналистлар "Барселона” базасига ташриф
буюришди ва жамоанинг етакчи ўйинчиларидан бири Хавидан интервью олишга
муваффақ бўлишди.
- Ростини айтинг, Жазоирдан
журналистлар келишини кутганмидингиз?
- Йўқ, албатта. Лекин сизларнинг куриш бошим осмонга етди.
- Мамлакатимизда "Барса” ва
сизнинг мухлисларининг бир талай...
- Барчасига менинг номимдан салом айтинг. Ҳар доим мухлисларимизни
қувонтириш учун майдонга тушамиз.
- Энди асосий саволларга ўтсак,
"Барселона” бош мураббийи Хосеп
Гвардиола фаолиятининг якуний қисмини Қатарда ўтказганди. Сиз ҳам қачонлардир
устозинингизнинг йўлини танлашингиз мумкинми?
- Тўғрисини айтсам, у ерда ўйнаш ниятим йўқ. Ҳозир бунинг сабабларини
тушунтириб бераман. Лекин шуни унутмаслик лозимки, олдинда бизни нималар
кутаётганини билмаймиз. Масалан, бир куни келиб жазоирлик қаламкашлар билан
суҳбатлашиш хаёлимга ҳам келмаганди. Мана бугун насиб экан, саволларингизга
жавоб қайтариб турибман.
Менинг бирдан-бир орзуим – фаолиятимни "Барса”да якунлаш. Болалигимдан
шу жамоанинг мухлисиман. Ушбу ниятим
амалга ошадими йўқми билмайман. Негаки, охирги пайтларда жамоада рақобат
кучайди. Асосий таркибда майдонга тушиш учун кўпроқ тер тукишга тўғри келади.
Аммо бундан сира хафа эмасман. "Барса” менинг клубим, уйим, оилам демакдир.
- Гвардиола сизларга
Қатардаги ҳаёти ҳақида гапириб берганми?
- Ҳа, баъзан у ердаги қизиқарли
ҳолатлар ҳақида гапириб туради.
- Ҳозир энг қийин саволардан
бирига жавоб беришингизга тўғри келади...
- (Кулади). Мен тайёрман.
- Испания чемпионатида тўп
сураётган бирор-бир жазоирик футболчини танийсизми? Мамлакатингизга улар бир
нечтани ташкил этади. Масалан, "Хетафе”да Мехди Ласен, "Реал Сосьедад”да Лиассин
Кадамуро Софьян
Фегоули эса...
- "Валенсия”да деб саволга қўшимча қилди, Хави. Бундан ташқари,
"Гранада”да Йебда бор.
- Энди ашаддий рақибингиз
"Реал” ҳақида гаплашамиз. Охирги йилларда "Эль Класико” кескин курашларга бой тарзда ўтмоқда.
Қолаверса, ҳар бир ўйин тортишувлар билан ёдда қоляпти. Мадридлик футболчилар
билан терма жамоада қандай гаплашасиз.
- Биласизми, "Эль Класико” дунёга келибдики, бу жамоаларнинг ўзаро
баҳси кескин курашларга бой бўлади. Азалдан икки клуб бир-бири билан тортишиб
келган. Ўша куни нафақат Испанияда балки, бутун дунёда мухлислар икки гуруҳ
бўлинади. Бири – "Барселона” мухлиси бўлса, иккинчиси "Реал” фанатларидир.
Терма жамоада қандай бирлашамиз?
Бунинг сири оддий. Биз бир-биримиз билан қандай гаплашишни биламиз.
Мисол учун Касильясни олайлик. Икер иккимиз 15 йилдан бери терма жамоада
ўйнаймиз. Бундан ташқари, у менинг боликдаги дўстим саналади. Арбелоа ва
Альбиоллар билан ҳам муносабатим яхши. Бу борада муаммо юзага келадиган бўлса,
биз дарҳол гаплашиб оламиз. Терма жамоада ҳамма фақат ғалаба учун ўйнайди. У
ерда "Эль Класико” унутилади ва барчанинг мақсади битта бўлади.
- "Барселона” сафида 600
тадан ошиқ ўйинда майдонга тушдингиз. Кўплаб совринларни қўлга киритдингиз.
Ростини айтинг, қандай қилиб ҳар куни ўзингизни машғулотларга келишга мажбур
этяпсиз.
- Биласизми, кўпчилик менинг ўрнимда бўлишни орзу қилади. Аммо ҳар
кимга ҳам бундай бахт насиб этавермайди, тўғрими? Шундай экан, ҳаётимдан
нолишга ҳожат йўқ. Футбол – ҳаётимнинг бир бўлаги ҳисобланади. Айнан унга
бўлган муҳаббат ўз устимдан тинимсиз ишлашимга тўртки беради. Ҳар куни эрталаб
машғулотга бориш мен учун катта шараф.
- Қачон бутсангизни михга
иласиз?
- Ҳозиргидек ҳаракат қила олмаётганимни сезган куним фаолиятимни
якунлайман. Очиғини айтаман, менинг кучим мана бу ерда (бошини кўрсатади). Агар
кайфиятим яхши бўлса, кўп нарсага қодир бўламан. Ҳозирча ҳаммаси жойида.
- Айримлар Хавидан келажакда
ажойиб мураббий чиқади, деган фикрларни айтади. Бу борада нима дея оласиз?
- Кўпчилик ўзимга ҳам бу ҳақда айтган. Лекин мен бундай деб ўйламайман.
Айни дамда ўзимни захира ўриндиғида ўтириб, кўрсатма бераётган кишига ўрнида
тасаввур эта олмайман. Аммо "Барселона”ни бошқариш ниятим ҳам йўқ эмас.
Дўстларим доимо мен майдонда Гвардиоланинг ишини бажарганимни айтишади.
Шунинг учун бўлса керак ҳамма мендан яхши мураббий чиқади деган фикрда. Буни
эса вақт кўрсатади.
- «Ла Масия»да бўлажак Хавилар борми?
- Албатта. Ахир бу ҳаёт қонуни-ку. Қачондир янги Хави келади. Эҳтимол у
мендан ҳам яхшироқ ўйнар. Негаки, футбол кундан-кунга ўзгариб бормоқда.
Жамоамиз сафида менинг вазифамни аъло даражада бажара оладиган футболчилар бир
талай. Масалан, Фабрегас. Ёки Тьяго. Ушбу жамоадошларимни жуда ҳурмат қиламан.
Келажакда Серхи Роберто порлашига ишонаман. Эспиноса яшхи таассурот қолдиряпти.
Бундан ташқари, кичик Алькантара ҳам чакки эмас.
Бир сўз билан айтганда, "Барселона” ҳеч қачон кадр борасида муаммога
дуч келмайди. Буни ҳис этиб турибман. Фаолиятимни якунлагач ҳам хотиржам
юришимга ишонаман. Негаки, "Барселона” битта мен билан тирик эмас. Унда ажойиб
футбол мактаби бор. У ерда эса бизнинг меросхўрларимиз таҳсил олишмоқда. "Ла
Масия” бу бир дарахт ва у ҳамиша мева бераверади.
Манба: «Футгол» газетаси
Аброр
БЕК тайёрлади
| 
