| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2012 » Январь » 5 » Одил Аҳмедов: "Навбаҳор"дан ҳозиргача таклиф бўлмаган!
16:15 Одил Аҳмедов: "Навбаҳор"дан ҳозиргача таклиф бўлмаган! |
Кеча Намангандаги "Ёшлар маркази"да "Камолот" ЁИҲ қошидаги "Фидоий ёшлар клуби" (ФЁК) ташаббуси билан Ўзбекистоннинг ҳамда "Анжи" клубининг 2011 йилдаги энг яхши ўйинчиси деб топилган Одил Аҳмедов билан учрашув бўлиб ўтди. Мазкур тадбир давомида залга йиғилган элликка яқин болалар ҳамда футбол мухлислари ўзларини қизиқтирган саволлар билан Одил Аҳмедовга мурожаат этишди. Кўтаринки руҳда ўтган тадбир давомида Одил Аҳмедов "Фидоий ёшлар клуби"нинг фахрий аъзолигига қабул қилинди. Шунингдек, Аҳмедов ўзи билан бирга олиб келган совғаларини Наманган шаҳридаги 26-меҳрибонлик уйи тарбияланувчиларига топширди. Қуйида кечаги тадбирда берилган айрим савол-жавобларни эътиборингизга тортиқ қиламиз.
— Одил ака, бундан аввал бир неча марта "Навбаҳор"га борганингизда Сизни қабул қиишмагани ҳақида айтиб ўтгандингиз. Ўшандан кейин Сизни "Навбаҳор"га таклиф этишганмиди?
— Мен "Навбаҳор"да ўйнашни истаб, жамоа қароргоҳига боргандим. Аммо ўшанда мени қабул қилишмаган эди. Роса тушкунликка тушган эдим ўша пайт. Кейин эса Тошкентга бориб, у ерда ўзимни кўрсата олганман. "Пахтакор" сафида тўп тепиб юрганимда ҳам мени "Навбаҳор"га таклиф этишмаган! Умуман ҳозиргача "Навбаҳор"дан таклиф олмаганман! Агар мени жамоага таклиф этишганида "Навбаҳор" сафига келган бўлардим. Аммо барибир қачондир "Навбаҳор"да тўп сураман!
— Биламизки, Сизнинг оилангизда тўртта ўғил вояга етган. Азимжон ҳақида биламиз, аммо икки акангиз ҳақида маълумотларга эга эмасмиз...
— Азимжон "Навбаҳор"да тўп сурмоқда. Катта акам Ёқубжон эса ҳозирги пайтда шоу-бизнесда ўзини синаб кўрмоқда. Ёқуб акам 3-4 йта филмларда ҳам суратга тушибдилар. Комилжон акам эса менинг администраторим. Бемалол мен билан боғланиш учун Комил акамга мурожаат қилишингиз мумкин.
— Агар Сиз журналист бўлганизда қайси футболчини Ўзбекистоннинг 2011 йилдаги энг яхши ўйинчиси деб атаган бўлардингиз?
— Александр Гейнрихни!
— "Анжи"нинг қайсидир ўйинида рус шарҳловчиси, "Мана Одил Аҳмедов Роберто Карлос билан сўрашиб, эртага Ўзбекистонга бориб мақтаниб юради", деганди. Лекин Сиз уларга қандай кучга эга эканлигингизни кўрсатдингиз. Сиз "Анжи"нинг энг яхши ўйинчиси деб топилдингиз.
— Ҳаммага ҳам бир хил ёқиб бўлмайди. Ўзбекистонда истеъдодли ёшлар кўп. Ҳали ўзбек футболи нималарга қодирлигини бутун дунёга кўрсатади! Бунга мен ишонаман!
— Сизга "Олтин бутса"ни оласанми ё Ўзбекистон тема жамоаси ЖЧ га чиқсинми дейишса, қай бирини танлар эдингиз?
— Албатта, ЖЧ га чиқишнида! Мен учун жамоа, айниқса терма жамоа манфаати юқори ўринда туради. Худо хоҳласа, 2014 йили Бразилияда бўлиб ўтадиган мундиалда иштирок этамиз! Биз бунга ҳақлимиз ҳамда қодирмиз!
— Наманганда ҳам иқтидорли футболчилар тўлиб ётибди. Сиз қайсидир интервюингизда Наманганда футбол мактаби қурдираман, деб айтгандингиз.
— Ҳа, тўғри айтдингиз, Наманганда истеъдодли футболчилар кўп Уларга озгина эътибор берилса бас. Худо хоҳласа, Наманганда футбол мактаби очиш ниятим бор!
— Билишимча, ЖЧ-2014 саралаш ўйинидан ўрин олган Ўзбекистон-Япония (1:1) учрашувида "Пахтакор" ўйингоҳига бир нечта доғистонлик мухислар ҳам ташриф буюришган экан...
— Ҳа, мени ҳамда Ўзбекистон терма жамоасини қўллаб-қувватлаш мақсадида Доғистондан ҳам ўндан зиёд футбол мухлислари ташриф буюришган эди. Доғистонликлар ҳам Ўзбекистоннинг ЖЧ га чиқишига ишонишмоқда.
— "Анжи" таркибидаги қайси футболчиларни ўзингизга рақобатчи деб биласиз?
— Аввало рақобат бор жойда ўсиш бўлади. Шундай экан, бу ўйинчи менинг рақобатчим, дея олмайман!
— Интернет сайтларида Сиз ва жамоадошларингизни ўзбек дўпписини кийиб тушган расмларингизга кўзим тушиб қолди. Албатта, ўзбек маданиятини дунёга танитишда қўшаётган ҳиссангиз учун миннатдорчилик билдираман! Дўппи олдида Чуст пичоғи ҳам бўлганида...
— Раҳмат. Сиз айтиб ўтган воқеа туғилган кунимда бўлиб ўтганди. Жамоадошларимни ўзбек ошхонасига таклиф этиб, ўзбек миллий таомларини биргаликда баҳам кўрдик. Дўппи билан биргаликда пичоқ ҳам буюртма қилгандим, аммо улгуришмади.
— Маҳачқалъанинг қаеридир Наманганга ўхшайдими?
— У ерда жуда ҳам кам бўламиз. Маҳачқалъа халқининг соддалиги билан, шунингдек, бозорлари билан Наманганга ўхшаб кетади.
— Сиз қайси футболчининг ўйинларини ҳозирда завқ олиб томоша қиласиз?
— Айни пайтда Хави ўйинларидан завқ оляпман.
— Ёшлигингиздачи?
— У пайтда Миржалол Қосимовнинг ўйинларини маза қилиб кўрардим.
— Қатар терма жамоасига урган фантастик голингиз ҳақида гапириб ўтсангиз.
— Нестеров ҳужумни бошлаб берганда, ичимда ҳозир ҳужумга ўтиб гл ураман деб айтгандим. Тўп менга қараб келаётганда гол бўлса ҳам, бўлмаса ҳам дарвозага тепаман дегандим.
— Сиз мўжизага ишонасизми? Ҳаётингизда мўжиза содир бўлганми?
— Аввало яшаб тургаимизни ўзи мўжизадир. Ҳозирги эришган ютуқларимни ёшлигимда орзу қилганман, лекин ҳаёлимга келмаган эди шундай бўлиши. Менимча, шунинг ўзи ҳам мўжиза бўлса керак.
— Сиз шу даражага ўз иқтидорингиз билан эришдингизми ёки қилган меҳнатларингиз самарасими?
— Биринчи навбатда истеъдод бўлиши керак. Кўп кузатганмиз, иқтидорсиз ёшларни ҳам олиб келиб, футболчи қилишга уринишади. Аммо бунинг фойдаси йўқ. Истеъдодлардан унумли фойдаланиб, шу даражага етдим деб ўйлайман.
— Ўзбекистонда футболчиларнинг трансфер суммаси ҳамда маошлари сир тутилади. Хўш, Сиз "Анжи"да қанча маош оласиз?
— Тўғриси буни ошкор этолмайман.
— Тадбир бошловчиси: Чунки, ойлигим пластик карточкага тушади, денг?
— Ҳа шунақа! (Залда кулгу)
— Футболчи бўлмаганлигизда қайси касб эгаси сифатида Сизни кўришимиз мумкин бўларди?
— Ўйлашимча, мендан яхши актёр чиқади! (Залда кулгу)
— Футболчиликни танлаганиздан сўнг, нималардан воз кечишга тўғри келган?
— Аввало, футболчи ўз оиласида йироқда бўлади. Россияда фаолият олиб бораётганлигим сабаби оила аъзоларимни жуда соғиняпман.
— Шуҳрат Мирҳолдиршоев рақиб жамоа таркибида "Навбаҳор" дарвозасини доим ишғол қилиб келган. Сиз "Навбаҳор" дарвозасига гол киритганингизда ичингиздан қандай туйғулар ўтган?
— Проффесионал футболчи қайси жамоа шарафини ҳимоя қилишидан қатъий назар, гол уриши лозим. Мен ҳам мураббийлар берга топшириқларни бажараман. Шуни алоҳида айтиб ўтмоқчиманки, "Навбаҳор" билан ўтган ўйинларда майдонда тўлиқ куч билан ҳаракат қилмайман! Гол урганимда ҳам ортиқча хурсанд бўлмайман. Барибир туғилиб ўсган жойимга меҳрим баланд.
Манба: www.lochinlar.uz
|
|
Категория: Интервью |
Просмотров: 661 |
Добавил: 11x11
| Рейтинг: 0.0/0 |
| |
 | |  |
|
