9 январь куни ФИФА қароргоҳи жойлашган Швейцариянинг Цюрих шаҳрида
«Олтин тўп» мукофотини топшириш маросими
бўлиб ўтди.
Ушбу соврин қаторасига учинчи марта "Барселона” ҳужумчиси Леонель
Мессига насиб этди.
Маълум сабаларга кўра, тадбирда «Реал» жамоасининг икки вакили - бош
мураббий Жозе Моуриньо ҳамда ҳужумчи Криштиану Роналдулар қатнаша олишмади.
Кутилганидек, 2011 йилда ҳам Аргентина терма жамоаси ҳужумчиси Лео
Месси тенгсиз бўлди.
Овоз бериш жараёнида "Барселона”
етакчиси 47,88% овоз тўплади.
"Реал” ўйинчиси Криштиану Роналду эса
21,6% овозга эга бўлди. "Барселона”нинг бошқа бир аъзоси Хави 9,23% овозга эга бўлди.
Шу куни шунингдек, "2011 йилнинг энг мураббийи” ҳам аниқланди. Унинг
натижасига кўра, йил давомида "Барселона” билан бешта совринни қўлга киритган
Хосеп Гвардиола биринчи ўринга лойиқ кўрилди.
Овоз бериш жараёнида "Барса” устози 201 очко тўплашга муваффақ бўлди.
Иккинчи ўрин 2010 йилда тенгсиз деб топилган "Реал” бош мураббийи Жозе
Моуриньога насиб этди. Португалиялик мутахассис 112 очко жамғарди. "Манчестер
Юнайтед”ни 25 йилдан бери бошқариб келаётган сэр Алекс Фергюсон
Тўртинчи ва пешинчи ўринга Андре Виллаш-Боаш (78 очко) ва Роберто
Манчини (45 очко) лар жойлашишди.
«FIFA Ballon d’Or 2011» маросимида махсус «Fair play» соврини Япония Футбол
ассоциациясига тақдим этилди. Ушбу мукофотни машҳур франциялик футболчи
Кристиан Карамбё топширди.
"Кунчиқар юрт” вакиллари ушбу
соврин билан чекланиб қолишмади. Япония аёлар терма жамоаси сардори Хомаре Сава
2011 йилнинг энг яхши аёл футболчиси деб тан олинди. Бундан ташқари, Япония аёллар терма жамоасини жаҳон чемпиони қилган Норио
Сасаки "Йилнинг энг яхши аёл мураббийи” номига сазовор бўлди.
Бразилия чемпионатининг 12-турида «Сантос» клуби ҳужумчиси Неймар
томонидан «Фламенго» дарвозасига киритилган гол «2011 йилнинг энг чиройли голи»
деб тан олинди.
Бразилиялик футболчи бу номинацияда Лионель Месси ва Уэйн Руниларни ортда қолдира олди.
"Манчестер
Юнайтед" устози сэр Алекс Фергюсон ФИФА президенти Йозеф Блаттер
томонидан "Президент мукофоти” билан
тақдирланди.
Маросим бошида ФИФА ва FIFPro 2011 йилнинг рамзий терма жамоасини эълон
қилди. Йил жамоаси сафидан "Барса”нинг беш нафар ўйинчиси жой олди.
Йилнинг рамзий терма жамоаси билан танишинг: Икер Касильяс
("Реал"); Даниэл Алвеш ("Барселона"), Серхио Рамос
("Реал"), Жерард Пике ("Барселона"), Неманья Видич
("Манчестер Юнайтед"); Андрес Иньеста ("Барселона"), Хаби
Алонсо ("Реал"), Хави Эрнандес ("Барселона"), Лионель Месси
("Барселона"), Криштиану Роналду ("Реал"), Уэйн Руни
("Манчестер Юнайтед").
Аброр БЕК тайёрлади
|