Россия терма жамоаси бош мураббийи Дик Адвокат 11 ноябрь куни Грецияга қарши
кечадиган ўртоқлик учрашувида майдонга тушиши мумкин бўлган футболчилар
рўйхатини эълон қилди. Пире шаҳрида бўлиб ўтадиган ўйинга 20 нафар ўйинчи жалб
этилган. Улар орасида Москванинг "Динамо” клуби ҳужумчиси Александр Кокорин ҳам
бор.
Дарвозабонлар: Вячеслав Малафеев
("Зенит" Санкт-Петербург), Антон Шунин ("Динамо" М).
Ҳимоячилар: Александр Анюков
("Зенит"), Алексей Березуцкий, Василий Березуцкий, Сергей Игнашевич (барчаси – ЦСКА), Юрий Жирков ("Анжи"), Роман Шишкин
("Локомотив" Москва).
Полузащитники: Динияр
Билялетдинов ("Эвертон" Англия), Денис Глушаков ("Локомотив"),
Игорь Денисов, Константин Зирянов, Роман
Широков ( барчаси – "Зенит"),
Алан Загоев (ЦСКА), Александр Самедов, Игорь Семшов (иккиси- "Динамо" Москва).
Ҳужумчилар: Андрей Аршавин
("Арсенал" Англия), Александр Кокорин ("Динамо"), Роман
Павлюченко ("Тоттенхэм" Англия), Павел Погребняк
("Штуттгарт" Германия).
Мазкур баҳсга тайёргарликни Россия терма жамоаси 9 ноябрь куни
бошлайди.
Ўз навбатида голландиялик мутахассис "СЭ” газетаси мухбирига қисқача
интервью берди.
- Биринчи навбатда бизни
Александр Кокориннинг терма жамоага таклиф қилганингиз ажаблантиряпти?
- Ҳайрон бўлишга ҳожат йўқ. Ушбу ўйинчи охирги пайтларда "Динамо” ва
иккинчи терма жамоада ўзини кўрсата оляпти. Ҳозир ушбу футболчини синаб куриш
учун энг қулай фурсат деб ўйлайман.
- Эҳтимол, сиз бошқа бир
"Динамо” аъзоси Самедов билан бирга майдонга туширарсиз. Ахир бу икки ярим
ҳимоячи ўйин давомида қанотларни алмаштириб рақибларни шошириб қўйишади.
- Балки шундай қилармиз.
- Ушбу ўртоқлик учрашувида
яна янги футболчиларни таклиф этишни режалаштирганмидингиз?
- Битта ўйин ўтказганимиз учун Кокориннинг ўзи кифоялик қилади, деб
ўйлайман. Ўзи ушбу йиғинга 20 нафар
футболчини таклиф этдим. Улар ичидан битта дебютанти етарли.
- Мазкур йиғин қанча давом
этади?
- Ўйин билан ҳисоблаганда икки кун йиғиламиз. Футболчиларни 9 ноябрь
куни тўплаймиз. Битта машғулот ўтказгач, Грецияга жўнаб кетамиз.
- Кейин-чи?
- Грециядан келгач,
футболчиларни ўз клубларига қўйиб юборамиз.
- 15 ноябрь куни ҳам
ўртоқлик учрашувини ўтказиш имконияти бор эди-ку?
- Лекин биз Еврокубокларда
иштирок этадиган жамоаларни ҳисобга олиб битта ўйин билан чекландик. Ўзи шундоқ ҳам ноябрь ойининг тақвими тиғиз.
Аброр
БЕК тайёрлади
| 
