| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2012 » Январь » 5 » Вадим Абрамов: “Жанубий Кореяни танлашимизнинг сабаби бор”
18:17 Вадим Абрамов: “Жанубий Кореяни танлашимизнинг сабаби бор” |
Келаётган ҳафталар Ўзбекистон миллий ва олимпия терма жамоаларининг аралаш футболчиларидан таркиб топган Вадим Абрамов шогирдлари учун жуда сермаҳсул ўтади. Январь ойининг деярли бошидан охиригача улар бир жамоа бўлиб Олимпиада ва Жаҳон чемпионати саралаш баҳсларига тайёргарлик олиб боришади. Вадим Абрамов ушбу йиғинларда иштирок этадиган футболчилар рўйхатини эълон қилди. Рўйхатдан 10 нафар миллий ва 20 нафар олимпия терма жамоаси футболчилари жой олишган.
Бундай қарор қабул қилинишини терма жамоа мураббийлари бир нечта сбаблар орқали тушунтиришмоқда. Биринчидан, февраль ойининг бошидаёқ Олимпия терма жамоамиз Тошкентда австралиялик тенгдошлари билан куч синашишади. Шубҳасиз, бу ўйин саралаш баҳсларининг энг муҳим ўйинларидан бири бўлади. Иккинчидан, миллий терма жамоамиз 4-босқич масаласини муддатидан аввал ижобий ҳал қилди. 29 феварль куни Японияга қарши ўтадиган 3-босқичнинг сўнгги ўйнии гуруҳда ким биринчи ва иккинчи ўринни олишини ҳал қилиб беради, холос. Учинчидан эса, Япония билан бўлиб ўтадиган ўша ўйинда сариқ карточкалар йиғил қолгани туфайли миллий терма жамоамизнинг 7 нафар футболчиси майдонга туша олмайди.
Шулардан келиб чиққан ҳолда Вадим Абрамов Осиёнинг амалдаги чемпионларига қарши кечадиган учрашувда олимпия терма жамоасининг ёш футболчиларига ишонч билдиришни маъқул кўрган. Албатта, миллий терма жамоадаги ёши катта футболчилар бу ўйинда ёш укаларини майдонда ҳар томонлама қўллаб қувватлаб туришади.
Вадим Абрамов бошланажак йиғин олдидан Ўзбекистон футбол федерациясининг расмий сайтига мухлисларни қизиқтирган бир қатор масалалар юзасидан интервью бериб ўтди.
-Вадим Карленович, Ўзбекистон терма жамоаси қайси жамоа билан ўртоқлик ўйини ўтказади: Таиландми ёки Жанубий Корея?
-Бошида биз Таиланд билан ўртоқлик ўйини ўтказмоқчи эдик. Бу ўйин 24 февраль куни бўлиб ўтиши керак эди. Аммо кейинроқ бизда Жанубий Корея варианти пайдо бўлди. Бу вариант биз учун бир қатор сабабларга кўра қизиқарлироқ туюлди. Хабарингиз бор, Олимпия терма жамоамиз 22 февраль куни Ироқ олимпия терма жамоаси билан Қатарда куч синашади. Қатардан Таиландга учиш, деярли бир кундан сўнг эса яна бир ўйинда майдонга тушиш осон бўлмаслиги аниқ эди. Жанубий Корея билан эса биз 25 февралда ўйин ўтказамиз. Шундан сўнг Японияга отланамиз. Корея билан Япониянинг ораси унчалик узоқ эмас. Бундан ташқари, Жанубий Корея Жаҳон чемпионати саралаш учрашувларининг4- босқичида биз билан бир гуруҳдан ўрин эгаллаши мумкин. Шу сабабдан ҳам бу терма жамоа бизда кўпроқ қизиқиш уйғотмоқда.
-Яқинда сиз йиғинларда иштирок этадиган футболчилар рўйхатини эълон қилдингиз. Ушбу рўйхатда Олимпия терма жамоасининг футболчилари кўпроқ. Ушбу қарорни изоҳлаб ўтсангиз.
-Сариқ карточка туфайли ўйинни ўтказиб юборадиган футболчиларга тўхталиб ўтирмайман. Фақат шуни айтишим мукинки, Олимпия терма жамоаси таркибида яқин вақтлар ичида миллий термадан жой эгаллашга муносиб бўлган футболчилар кўпчиликни ташкил этади. Қўшимчасига, тажрибали футболчилар билан бига майдонга тушиб олимпиячилар катта тажриба тўплашади.
-Таркибда ҳали жуда ёш бўлган Аббос Махсталиев ҳам бор....
-Мен учун футболчининг ёши аҳамият касб этмайди. Мен анчадан бери Махсталиевни кузатиб бормоқдаман. Унинг ўйини ҳурматга лойиқ. Аввал ҳам айтганимдек, терма жамоа эшиклари барча учун бирдек очиқ.Бунинг учун майдонда ўзини яхши томонлама кўрсатиш зарур.
-Қўл остингиздаги терма жамоа январь ойида «Match World Cup 2012» турнирида иштирок этиши маълум бўлди. Бу мусобақадан нима кутяпсиз?
-Биз ушбу турнирда қатанашиш учун яқинда таклиф олдик. Биз бу таклифни мамнуният билан қабул қилдик. Чунки унда терма жамоага номзодларни аниқлаб олиш учун яхши имконият ҳосил бўлади. Қўшимча қилиб айтиб ўтаман, биз бу турнирда «Бунёдкор» ва Ироқ олимпия терма жамоаси билан бир гуруҳдан жой олмаймиз.
-Турнир бор-йўғи 5 кун давом этади. БААдаги йиғин эса 10 кунга мўлжалланган. Қолган кунларни қандай ўтказишни режалаштирмоқдасиз?
-Турнирдан ташқари биз БАА миллий терма жамоаси билан ўртоқлик ўйинида майдонга тушишни режалаштирганмиз. Биз ушбу ўйинга тайёргарлик кўрамиз.
манба: the-uff.com
|
|
Категория: Интервью |
Просмотров: 635 |
Добавил: 11x11
| Рейтинг: 0.0/0 |
| |
 | |  |
|
