Янги мавсумга тайёргарлик кўраётган «Андижон» клуби ўз сафини бир қатор маҳоратли ўйинчилар билан кучайтирмоқда. Ўтган ҳафтанинг охирларида жамоага тажрибали ҳужумчи Владимир Шишелов ҳам келиб қўшилди. Ушбу футболчини юритмизда танимаган ёки билмаган ишқибоз бўлмаса керак. Охирги йилларда Россия клубларида самарали фаолият олиб борган Шишелов энди «Андижон» учун тўп сурадиган бўлди. Бу борада у клуб билан шартнома тузишга ҳам улгурган. Шуларни инобатга олган ҳолда футболчи билан клуб базасида суҳбатлашдик.

- Хуш келибсиз, Владимир!
- Раҳмат. Мен бу ерга асосан ўйнаш учун келганман. Футболчига доимо ўйин амалиёти зарур. Шу сабабдан мен ҳам етарли даражада тўп суриб ўзимни кўрсатишим керак.

- «Андижон» жамоасидан тушган таклифни қандай қабул қилдингиз? Бу сиз учун кутилмаган воқеа бўлмадими?
- Менинг олдимда Ўзбекистоннинг бошқа клубдаридан ҳам вариантлар бор эди. Лекин Александр Аверьянов билан гаплашганимдан кейин бу ерга келишга қарор қилдим.

- ... Читать дальше »

Бугун Ўзбекистон ёшлар лигасида 2012 йилги мавсум старт олди. «Бунёдкор» ва «Машъал» ёшлари ўртасидаги ўйинда ёш «қалдирғочлар» 2:0 ҳисобида ғалабага эришишди. «Олмалиқ» - «Нефтчи» учрашувида майдон эгалари зафар қучишди – 3:1. Майдон эгалари сафида Тимур Галимов, Илҳом Мустафоев ва Шариф Мирзаевлар тўп киритишган бўлса, фарғоанликлардан Тимур Исломов ўзини кўрсатди.



Самарқандда бўлиб ўтган ўйинда ўтган йилги Ёшлар лигаси чемпионлари ҳисобланган «Насаф» жамоаси 2:1 ҳисобида ғолиб бўлди. Учрашувнинг 15-дақиқасида меҳмонлар вакили Шоҳруҳ Қурбонов ҳисобни очди. Орадан 15 дақиқа ўтгач «Динамо»чи Искандар Холмирзаев ҳисобни тенглаштирди. 85-дақиқада Нодир Санақулов «Насаф»га ғалаба келтирди. Куннинг сўнгги учрашувида «Бухоро» ва «Пахтакор» ёшлари тўқнаш келишди. Бу ўйинда томонлар биттадан гол уришди ва дуранг натижа қайд этилди – 1:1.

Бу турнинг қолган учта учарашуви 16 март куни бўлиб ўтади.

1- тур. 14 март
«Бунёдкор» – «Машъал» 2:0

... Читать дальше »

Ўзбекистон футбол федерацияси расмий сайтининг хабарига кўра, Ғулом Ўрунов ва Акрам Баҳриддинов ижара асосида фаолиятларини бошқа жамоаларда давом эттиришади.

Ғулом Ўрунов Равшан Ҳайдаров бошчилигидаги "Қизилқум" сафига бориб қўшилди. Бу билан зарафшонликлар таркибидаги футболчиларимиз сони олти нафарга етди. Аввалроқ Тожибоев, Кагиров, Нишонов, Шихов ва Бобожонов "Қизилқум" таркибига ижара асосида кўчиб ўтганди. Шунингдек, ўтган мавсумда "Локомотив"да ўйнаган Акрам Баҳриддинов "Андижон" таркибида тўп тепадиган бўлди.

Жамоанинг олий лига учун якуний заявкасини яқин орада маълум қилинади.

Манба: www.pakhtakor.uz

Чоршанба куни Лондон-2012 учинчи саралаш босқичи охирги тур ўйинлари бўлиб ўтди. Аниқроғи, ёзда Англия пойтахтида ўтказиладиган катта спорт форумида иштирок этадиган терма жамоалар номи маълул бўлди. "А” гуруҳида Жанубий Корея олимпиячилари муддатидан олдин йўлланмани қўлга киритиб, бўлишганди. Охирги турда плей-оффда қатнашадиган жамоа номи аниқланиши лозим эди. Саудияда дуранг натижа қайд этган Уммон олимпиячилари гуруҳда иккинчи ўринни қўлга киритишди.

"В” гуруҳнинг иккинчи ўйинида нурсиз дуранг натижа қайд этилди. Австралия олимпиячилари яна рақиблар дарвозасига йўл топа олишмади. "Яшил қитъа” вакиллари олти ўйинда бирорта ҳам гол кирита ... Читать дальше »

Олимпиада-2012

Учинчи саралаш босқичи

"В” гуруҳи

6-тур

Ўзбекистон – БАА - 2:3 (1:0)

Голлар: Зотеев 35, - 1:0. Мусаев 46, - 2:0. Аҳмад Ҳалил 50, - 2:1. Аҳмад Ҳалил 54, - 2:2. Хабуш Солиҳ 90+3, - 2:3.

Ҳакамлар: Тома Масааки (Япония), Отсука Харух ... Читать дальше »

Самарқанднинг "Динамо” жамоаси "Насаф” билан бугунгача Ўзбекистон миллий чемпионатлари тарихида жами йигирма саккиз маротаба ўзаро рўбарў келган.

Шулардан ўн иккитасида "аждарлар”нинг қўли устун келган. Тўққизта ўйинда эса дуранг натижа қайд этилган. Қолган олти учрашувда эса динамочилар зафар қучишган.

Йигирма cаккиз ўйинда дарвозаларга жами 60 та тўп киритилган бўлиб, шуларнинг ўттиз биттасига "Насаф” футболчилари муаллифлик қилишган. Қолган 29 та гол эса динамочилар ҳисобига ёзилган.

Ҳозирда "Динамо” таркибида собиқ "Насаф”чилардан Зафар Полвонов, Жасур Бобоев, Баҳодир Муртазоев ҳаракат қилаётган бўлса, "Насаф” сафида собиқ "динамо”чи Илҳом Юнусов, Эркин Бойдуллаев бор.

1997 йил
3-тур, 26 март
«Насаф» - «Афросиёб» - 1:1
Голлар: Зафар Холмуродов – Ҳамза Жабборов.

32-тур, 5 ноябрь
«Афросиёб» - «Насаф» - 1:3
Голлар: Андрей Тимофеев – Бахтиёр Давлатов (2 та), Шавкат Саидов.

1999 йил
7-тур, 30 апрель
«Самарқанд-Д» - ... Читать дальше »

«Машъал» футбол мактабида 1997 йилда туғилган футболчиларни тарбиялаб келаётган Баҳодир Шоймардонов  «Шўртан» жамоаси қошида очилаётган футбол академияси катта мураббийи сифатида таништирилди.

Шундан сўнг бизда наҳотки Шоймардонов «Машъал»дан кетган бўлса деган савол туғилди ва бунга ойдинлик киритиш мақсадида клуб раҳбариятига мурожаат қилдик. «Машъал» бош директори Илҳом Қурбоновнинг бу борадаги фикри қуйидагича бўлди:
- Тўғриси, Баҳодир Шоймардоновнинг «Машъал»дан кетгани тўғрисида бизда ҳали расмий маълумот йўқ. Чунки у ишдан бўшаш тўғрисида ҳали ариза ёзмади. Агар мураббийда бошқа жойда ишлаш истаги бўлса, аввал у ариза ёзиб бизни бу ҳақда огоҳлантириши керак. Шундан кейин унинг кетишига рухсат берамиз.

Манба: www.fcmashal.uz

"Шўртан" клубининг бугун бўлиб ўтган йиғилишида бошланаётган чемпионатда жамоага ким сардорлик қилишига аниқлик киритиб олинди.

Барча бир овоздан Асрор Алиқулов номзодини қўллаб-қувватлади ва сардорлик боғичи Асрор Алиқуловга топширилди. Вице-сардорлар эса Игорь Таран ва Вячеслав Пономарёвлар тайинланди.

"Сардор – нафақат майдонда, балки ҳаётда ҳам ўз жамоадошларига ўрнак бўла олиши керак. Асрор Алиқулов профессионал футболчи ва барча жамоадошларини ўз ортидан эргаштира олади, шунинг учун Асрор Алиқуловни яна сардор этиб тайинладик”-дейди, клуб бош мураббийи Игорь Криушенко.

Эслатиб ўтамиз, ўтган мавсумларда ҳам "оқ бўрилар”га Асрор Алиқулов сардорлик қилиб келган.
Манба: www.fcshurtan.uz.

Олий Лига ва Ёшлар Лигаси 1-тур учрашувларининг бошланиш вақти аниқ бўлди. Бу ҳақда ПФЛ расмий сайти хабар тарқатмоқда.

Шундай қилиб, 2012 йилги миллий чемпионат баҳсларини «Олмалиқ» ҳамда «Нефтчи» жамоалари ўртасидаги ўйин очиб беради. 15 март, пайшанба куни Олмалиқдаги «Металлург» стадионида бўладиган ўйин Тошкент вақти билан 15:45да бошланади. Пайшанба куни, шунингдек, «Динамо» – «Насаф», «Бухоро» – «Пахтакор» ва «Бунёдкор» – «Машъал» ўйинлари ҳам бўлиб ўтади. 17:00да «Жар» стадионида бошланадиган баҳс куннинг энг кеч ўйини бўлади.

Тур ўйинлари, бир кунлик танаффусдан сўнг, 17 март, шанба куни давом эттирилади. «Навбаҳор» – «Қизилқум» ва «Металлург» – «Андижон» учрашувлари 15:00да бошланса, «Шўртан» – «Локомотив» ўйини 16:30да бошланади.

Ёшлар Лигаси ўйинлари асосий таркибларнинг учрашувларидан бир кун аввал бўлиб ўтади. Олий Лига ва Ёшлар Лигаси 1-тур тақвими билан қуйида танишиб олишингиз мумкин.

Олий Лига
1-тур
15 март, пайшанба ... Читать дальше »

Бугун "Шўртан” клубининг Ғузор шаҳридаги қароргоҳи мажлислар залида клуб янги бош мураббийи Игорь Криушенко ҳамда жамоага таклиф этилган янги футболчиларни таништириш маросими ва янги мавсумда жамоа расмий ўйинларда кийиб тушадиган кийимлари тақдимоти ўтказилди.

Тақдимотда жамоа ижрочи директори Икром Норчаев, клуб матбуот котиби Одилбек Толипов, клуб матбуот хизмати ходими Замира Муратова, янги бош мураббийи Игорь Криушенко, дарвозабонларнинг янги мураббийи Виталий Варивончик, ёшлар клуб бош мураббийи Сеид Сеидов, клуб қошидаги футбол академияси катта мураббийи Баҳодир Шоймардонов ва жамоанинг янги футболчилари – Михаил Наумов, Обид Жўрабоев, Адама Соро, Ботир Қодирқулов, Отабек Валижонов, Виктор Клишин, Виталий Рушницкий ва Мўйдин Мамазулумовлар иштирок этишди.

Тақдимотнинг дастлабки қисмида клуб ижрочи директори Икром Норчаев жамоа бош мураббийи Игорь Крушенкони, дарвозабонлар мураббийи Виталий Варивончикни, ёшлар клуби бош мураббийи Сеид Сеидовни ва клуб қоши ... Читать дальше »