| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2012 » Январь » 20 » Жадигеров — Таиланддаги илк ўзбек легионери
21:50 Жадигеров — Таиланддаги илк ўзбек легионери |
20 январь куни юртимиздан ташқарида тўп сураётган футболчиларимиз сони яна биттага кўпайди. Бугун ўтган мавсумни «Бунёдкор» таркибида ўтказган марказий ярим ҳимоячи Асқар Жадигеров Таиланднинг амалдаги чемпиони — «Бурирам Юнайтед» клуби билан бир йилга мўлжалланган шартнома имзолади. («Бурирам Провинциал Электрисити Ауторити» шу кунларда номини «Бурирам Юнайтед»га янгилади)
32 ёшли футболчи ўз агенти Санъат Шарипов билан Тошкент-Бангкок йўналиши билан Жануби-шарқий Осиёга 18 январь куни эрталаб жўнаб кетган эди. Кеча — 19 январь куни Жадигеров Таиланд пойтахтида тиббий кўрикдан муваффақиятли ўтди ва бугун «Бурирам Юнайтед» билан керакли ҳужжатлар остига имзо чекди.
— Йил охирида футболчининг «Бунёдкор» билан бир йиллик меҳнат шартномаси тугаб, у эркин агент мақомини олганди. Ва шу кунгача у мустақил тарзда ўзи машғулотлар ўтказиб келаётганди, — деб шарҳ бермоқда воқеаларга сўнгги пайтда фаол иш олиб бораётган С.Шарипов. — Жадигеровни ўз сафларида баъзи маҳаллий клубларимиз кўрмоқчи бўлишди. Унга Қозоғистондан ҳам яхши таклиф тушганди. Аммо, менимча, биз энг мақбул вариантни танладик. Биринчидан, Асқар юқори даражадаги футболда қоляпти — у кетма-кет учинчи мавсум ОФК Чемпионлар лигасида иштирок этади. Иккинчидан, «БЮ» раҳбарияти билан келишувимизга кўра, шартнома дастлабки мавсумдан сўнг кейин яна бир йилга узайтирилиши кўзда тутилган. Жадигеровнинг ёшида бу жудаям муҳим.
— Таиланд — бу мен учун янги кашф этилаётган минтақа, — дейди ўйинчининг ўзи. — Мен ўз имкониятларимни яхши биламан. Ва бемалол айта оламанки, «Бурирам Юнайтед»нинг ўйинини белгиловчи асосий футболчилар қаторидан ўрин олишимга ишонаман. Ҳарқалай, мен катта иштиёқ билан шунга ҳаракат қиламан. Клуб раҳбарияти ҳам мендан ўзи шуни кутаётганлиги аниқ.
Ярим ҳимоячимиз «Бурирам»да 28-рақамда тўп сурадиган бўлди.
Жадигеров энди «БЮ» билан бирга Осиё Чемпионлар лигасида — тўртта мамлакатнинг тўртта чемпиони жамланган «Н» гуруҳида «Гуангчжоу Эвергранде» (Хитой), «Чжонбук Хёндэ Моторс» (Корея Республикаси) ҳамда «Касива Рейсол» (Япония) клубларига қарши майдонга чиқади. Илк беллашувни «Юнайтед» 7 март куни ўз уйида Япония чемпиони билан ўтказади. Таиланднинг 2012 йилги чемпионатининг бошланиши эса тахминан 16 мартларга белгиланган.
Асқарнинг эндиги фаолиятини кузатиб бориш кўпчиликка жудаям ўзгача бўлади. Чунки у Таиланддаги биринчи легионеримиз сифатида қайд этилмоқда. Ўзбек футболчисининг у ердаги натижалари қандай кўринишга эга бўлишини қизиқиш билан кутиб қоламиз.
Бобурбек ТУРСУНОВ
МАЪЛУМОТ УЧУН:
ЖАДИГЕРОВ Асқар Иброҳим ўғли
1980 йил 5 январь куни Тошкент вилояти Юқори-Чирчиқ тумани Янгибозор шаҳарчасида туғилган
Ўйнаган клублари: «Паркент» (1996), «Бектемир» (1997), «Сирғали» (1998), «Хива» (1999), «Самарқанд-Динамо» (2000-2001), «Андижон» (2002-2003, 2007-2009), «Ясси-Сайрам» Қозоғистон (2004), «Ордабаси» Қозоғистон (2005-2006), «Пахтакор» (2010), «Нанчань Байи» Хитой (2010), «Бунёдкор» (2011), «Бурирам Юнайтед» Таиланд (2012-...)
Эришган ютуқлари: Ўзбекистон чемпиони — 2011, Ўзбекистон вице-чемпиони — 2010
***
Асқар Жадигеровнинг янги жамоаси ҳақида ҳам қисқача ахборот бериб ўтишни лозим топдик.
«Бурирам Юнайтед» футбол клуби (эски номи — «Бурирам ПЕА»)
Бурирам шаҳри, Таиланд
1970 йили ташкил топган
Стадиони — «Нью Ай-Мобайл» (New I-Mobile Stadium), 24 000 томошабин сиғдиради
Раҳбари — Невин Чидчоб
Клуб менежери — Тадтеп Питакпулсин
Бош мураббий — Аттапол Пуспаком (2010 йил май ойидан буён)
Ёрдамчи мураббийлар — Чарнчаи Хансуб, Сане Фонманисак
Уй формаси — тўқ кўк, меҳмондагиси — оқ
Таиланд чемпиони — 2008, 2011
Таиланд вице-чемпиони — 2004-05, 2010
Таиланд футбол ассоциацияси кубоги соҳиби — 2011
Осиё Чемпионлар лигаси плей-офф босқичи қатнашчиси — 2009, плей-оффда ютқазиб, ОФК кубоги гуруҳ иштирокчиси — гуруҳда 3-ўринни эгаллаб, мусобақадан чиқиб кетган.
|
|
Категория: Ўзбек футболи |
Просмотров: 558 |
Добавил: 11x11
| Рейтинг: 0.0/0 |
| |
 | |  |
|
