| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Сентябрь » 11 » Аҳмад Убайдуллаев: Биринчи давра натижаси қимматга тушяпти
09:41 Аҳмад Убайдуллаев: Биринчи давра натижаси қимматга тушяпти |
«Динамо» - «Нефтчи» (2:0) учрашувидан сўнг самарқандликлар устози Аҳмад Убайдуллаев футболчилар ўйинидан қониққанлигини эътироф этди.
Ўйин жуда оғир кечди. Фикримча, «Насаф» ва «Пахтакор»га қарши ўйинга нисбатан бугунги баҳс биз учун қийинроқ бўлди. Чунки бу ўйиндаги ғалаба бизнинг Олий лигада қолиш учун муҳим қадамларимиздан бири ҳисобланарди, шу билан бирга рақибимиз учун ҳам совринли ўринлар учун курашиш имкониятини берарди. Қолаверса, «Нефтчи» таркиби бир неча йиллардан буён сақланиб келинаётган ва жамоа ўйини анча шаклланганлиги учун фарғоналикларга қарши тўп суриш жуда қийин. Бизда эса жамоанинг ярмидан кўпи яқинда йиғилган. Шунга қарамай, йигитларимизга миннатдорчилик билдираман. Чунки улар иккинчи даврадаги барча ўйинда яхши ҳаракат қилиб келишмоқда. Ўша Андижонда ҳам мағлуб бўлганимизга қарамай футболчилар ҳаракатидан қониққан эдим. Чунки жамоа ёмон ҳаракат қилмаяпти, фақатгина айрим вазиятларда имкониятдан фойдалана олмаяпмиз.
- Агарда кейинги ўйинларда ҳам жамоа шу темпда давом этса, Олий лигада қолиш вазифаси уддаланади, деб ишон билан айтиш мумкинми?
- Албатта, жамоадагилар барчамиз аҳволни тушуниб турибмиз. Шунинг учун ҳар ўйинда уч очко тўплаш жуда муҳимдир. Ҳозирга келиб «Насаф», «Пахтакор», «Нефтчи»га ўхшаган кучли жамоалардан очко олдик. Бу йигитларга қўшимча куч бағишлайди деб ўйлайман ва навбатдаги ғалабаларга ундайди. Жамоа бутун биринчи давра давомида фақатгина етти очко билан чекланганлиги бугунга келиб салбий таъсир ўтказмоқда. Иккинчи даврадан бошлаб, 6 ўйинда 9 очко жамғариб фақатгина битта ўйинда мағлуб бўлганлигимизга қарамай ҳозирда пастки ўринларда юрибмиз. Лекин бугунгидек ғалабалар жамоа руҳиятини кўтариб, руҳий оғирликни йўқотади.
Усмон Ибодов суҳбатлашди.
Манба: www.fcdinamo.uz
|
|
Категория: Олий лига |
Просмотров: 631 |
Добавил: 11x11
| Рейтинг: 0.0/0 |
| |
 | |  |
|
