"Насаф”нинг ОФК кубогидаги рақиби Таиланднинг "Чонбури” жамоаси аъзолари бугун кўҳна ва ҳамиша навқирон Самарқанд шаҳрида бўлишди.
Ўйиндан роппа-роса тўрт кун илгари, 23 сентябрь куни Қарши шаҳрига ташриф буюрган "акулалар” кеча "Геолог” стадионида дастлабки машғулотларини ўтказишган эди. Кеча эрталаб айнан ушбу стадионда тонгги машғулотни ўтказган "Чонбури” футболчилари соат 10:30 да Самарқанд шаҳри томон йўл олишди.
Зиёратни Регистон мажмуасидан бошланган меҳмонлар тушликдан сўнг буюк бобокалонимиз Соҳибқирон Амир Темур ҳоки жойлашган Гўри Амир мақбарасида ҳам бўлишди. Бир неча асрлардан буён ўз маҳобатини йўқотмаган улкан иншоотлар жамоа аъзоларида катта таассурот қолдирди. Шу куннинг ўзида улар Қарши шаҳрига қайтиб келишди.
манба : fcnasaf.uz
|