Мўъжиза лаҳзалари, ёрқин хотиралар. Ҳар бир футболчининг ўз фаолияти даврида айнан шундай лаҳзалар бўлиши шубҳасиз. Яқинда "Челси” клуби расмий сайти ўз таркибидаги ўйинчиларнинг "Мўъжизавий лаҳзалари" ҳақида маълумот берди. Мархамат сиз хам  "Аристкарлар”нинг олтин лаҳзалари-ю, ёрқин хотираларидан бахраманд бўлинг.

Эшли Коул: "Гол урганимда бошқа оламга кириб қолганман

- 2002-йилги мавсумда биз "Нюкасл"га қарши майдонга тушдик. Ўшанда табийики, мен "тўпчилар"шарафини ҳимоя қилардим. Пирес "қарғалар" ҳимоячиси Николас Дабиза оёқлари орасидан менга кутилмаганда тўп узатди мен  дарвозани ишғол қилдим.Тўғри кўпчилик учун бу одатий ҳол лекин ўшанда мен эндигина асосий таркибга кириб келаётгандим. Ёш футболчиларга ўз жамоасининг етакчилари ишонишса шубҳасиз ўша футболчи жамоага тезроқ кўникиб кетади. Айнан ўша гол менинг фаолиятимга бурилиш ясаган.Тўп дарвоза чизиғини кесиб ўтаркан мен умуман бошқа олам оғушида қолгандим.

Флоран Малуда: Алекснинг гапи ёдимдан чиқмайди

- 2009 йилда Чемпионлар лигаси чорак финал учрашувида ўз майдонимизда "Ливерпул"ни қабул қилгандик. Биринчи таймдан сўнг эса 0:2 ҳисобида мағлубиятга ҳам учраётгангандик. Ечиниш хонасида ҳамма жим ўтирар, ҳеч ким нарса дея олмасди. Кутилмаганда Алекс ўрнидан туриб "мен улларни ўлдираман" деди. Шундай вазиятлар бўладики, Яратганга тан бермай иложимиз йўқ. Дастлаб Анелька хисобни қисқартирди кейинчалик Алекс жарима тўпидан Рейнани ожиз қолдирди. Ўша лахзаларда ҳақиқий даҳшатга тушгандим. Мазкур учрашув бир умр хотирамда муҳрланиб қолди.

Рамирес: Шундай ўйинчилар билан ўйнаш катта шараф

Ўйлашимча, "Челси” сафида биринчи йилдаёқ мен шундай ҳолатни бошдан кечирдим. Алексни "Арсенал” дарвозаси томон берган жарима зарбаси мени "лол" қолдирди. Шундай мўъжизавий ўйинчилари бор клуб ҳар нарсага қодир.

Росс Тернбулл: Майдон марказидан киритган гол ва кубокни унутмайман

Бу воқеага анча бўлди у вақтлар мен "Миддлсбро" ёшлар жамоасида ўйнардим. Жамоадошим Крис Брант (айни вақтда "Вест-Бромвич"да) деярли майдон марказидан "Чарльтон" жамоаси  дарвозасини ишғол этди. Бу вақтда эса ҳакам тамонидан қўшиб берилган вақт давом этаётганди. Айнан шу ғалаба бизга ёшлар ўртасида Англия кубоги соҳиби деган юксак номни олиб келди.

Раян Бертран: Мўъжизавий гол завқи

Ўтган Мавсумни ижара асосида "Ноттенгем Форест"да ўтказдим. Жамоадошим Луис Макгугунанинг голи хақиқий мўъжизанинг ўзи бўлганди мен учун. Ўша ўйинда мен иштирок этмадим жароҳатим туфайли бу ўйини мухлислар орасида кузатишга махкум эдим.

Даниэл Старридж: Ҳимоячилар устидан кулган Элано

Эсимда "Арсенал” билан меҳмондаги ўйинимизда Элано "тўпчилар"нинг уч нафар ҳимоячисини ўзи билан олиб юришга мажбур этганди. Битта химоячи сенга "дум" бўлса бу табий хол, иккита бўлса, демак сенда "нимадир"бор, агар уч нафар ҳимоячи сени қўриқлаб юрса-ю,хеч нарса қила олмасачи?. Элано ўша ўйинда "Арсенал" химоячиларини калака қилиб ташлаганди.

Фернандо Торрес: финал куни тукилган кўз ёш

Майдонга тушар экансан қандайдир мўъжиза кутиб ўйнашга хақлисан .Жаҳон чемпионатини финал ўйини умрбод менинг ёдимда қолди. Чемпионат бошланмасдан олдин Испанияда икки нафар ёш футболчи юрак-хасталиги билан кўз юмганди. Финалда Иньеста гол ургандна сўнг, ҳеч кимга яқинлашмасдан футболкасини кўтарди. Андреснинг майкасидаги ёзувларни ўқиб музлаб қолдим. Ҳа у голни ўзгача нишонлади, ҳеч кимни хаёлига келмаган ишни уддалади. Дани Харке хотирасига бағишлади ўша голни.Тасаввур қиляпсизми?. Кўзимга ёш келди ўша лахзада бунақаси ҳеч қачон бўлмаган.

Паулу Феррейра: Онаси учун шифо тилаган Мендеш

Ўша лахҳаларни доимо хотирлайман. Чемпионлар лигаси финалида Педру Мендеш "Порту"нинг учинчи голини урди. Ўйинда ким ғалаба қозониши деярли маълум бўлиб улгурганди. Педруни табриклаш учун ёнига борар эканман бирдан унга нигоҳ ташладим. У осмонга қарар, лаблари эса нималарнидир пичирларди, кўзлари эса жиққа ёшга тўлганди. Тушундимки, бу қувонч ва алам кўз ёшлари эди. Чалкашиб кетди борлиқ. Ўзимни тутиб тура олмадим. Яратганга илтижо қилиб онасини шифо топишини сўраётганди, Мендеш.

Майкл Эссьен: Ғайритаббий тўп узатиш

Ўтган мавсум "Сток Сити"га қарши кечган учрашувда (7:0)  Дрогбанинг ҳаракатларини кўриб ҳайрон бўлгандим. Тўп гўёки унинг оёғигаёпишиб қолгандек. Маълум вақт ўтгач, эса у тўпни оёғидан узмай Калуга голли пас берди. Бунақа ғаъйритаббий тўп узатиш мени ҳайратлантирганди.

Петр Чех: Дрогба бўлса менга осон бўлади

Дрогбанинг жарима тўпи олдига келган ҳолати менга доим ёққан. Хоҳ ўнг тарафга хоҳ чап тарафга тўпни йўналтирсин барибир гол бўлаверади. У майдонга тушса, ўзимни хотиржам хис қиламан.Тўғри Дидье ҳимоячи эмас лекин барибир Дрогба майдонда бўлса, менга анча осон бўлиб келган.

Дидье Дрогба: Деку мени ёмон алдаганди

Деку хақида икки оғиз. У биринчи машғулотдаёқ мени лол қолдирган. Икки таркибга бўлиниб ўйнар эканмиз у мени ёш болаларча алдаганди, ишонинг нақд 8 дақиқа мен ундан тўпни олиб қўя олмагандим. Бир вазиятда эса тўп йўқолиб қолди,мен тўпни унинг оёқлари орасидан қидира кетдим,у эса жилмасди.Қарасам тўп унинг бўйнида. Ўшанда тушунгандим жамоамизга ким келганини афсуски, жарохатлар Декуни тўлиқ куч билан ўйнаб кетишига тўсқинлик қилди.

Саломон Калу: Декудек футболчи жуда кам

Декудан ажойиб хотиралар қолган унинг тўп узатишлари хақиқий мўъжизани ўзгинаси эди. Бунақа ўйинчилар жаҳон футболида камдан-кам пайдо бўлишади.

Давид Луис: Роналдо каби футболчи йўқ

Роналдо…Унинг харакатларидан завқ олиш мумкин. Йўқ у мени кумирим эмас аслида менга энг яқини Кака майдонда ҳам ҳаётда ҳам, лекин Роналдо бунақаси бошқа бўлмаса керак.

Аброр Деҳқонов тайёрлади