Июль ойи якунланиб бораётган бир вақтда Бундеслиганинг 18 клуби ўзларининг уй ўйинларига 480 800 абонементларни сотишди. Бу олдинги йилги (458 950)дан деярли 22 000 абонемент кўп деганидир.

Бу борада Дортмунднинг «Боруссия»си етакчилик қилмоқда. Германиянинг амалдаги чемпионлари ўзларининг рекордларини янгилашлари ҳам мумкин, улар 52 000 абонементларни сотишди. «Боруссия» янги мавсумда ўз фанатларига яна бир қулайлик яратмоқда. Энди мавсумий абонемент эгаси 19,09 евро эвазига ўз исми ёзилган тахтача (табличка) буюртма бериши мумкин. Улар «Сигнал-Идуна-Парк» стадионидаги мухлислар сотиб олган ўриндиқларга бириктириб қўйилади.

Абонемент сотиш бўйича иккинчи ўринда «Шальке-04» (43 935) бормоқда, кейин Мюнхеннинг «Бавария» клуби (38 000) ва «Гамбург» (30 700). Бундеслиганинг қолган клублари ҳам ўз кўрсаткичларини яхшилаб олишди, деб хабар беради DPA аҳборот агентлиги.