ЯНГИ МАВСУМ ОЛДИДАГИ ҲАЯЖОНЛАР

Испаниянинг янги мавсуми бошланишига ҳам бир ярим ойдан камроқ вақт қолди. Лекин Ла Лиганинг икки гранд жамоаси – "Реал” ва "Барселона” аллақачон тараддудни бошлаб юборишган. Дарҳақиқат, янги мавсум ҳар икки жамоа учун ҳам осон кечмаслиги турган гап. Негаки, чемпионлик пойгасида уларга рақобатчилар пайдо бўлди. Сезган бўлсангиз, бугун Испания чемпионати ҳақида сўз юритамиз.

Анъаналар бўзилди

Ла Лиганинг 2011/12 йилги мавсумга мўлжалланган тақвими бу галл жуда эрта эълон қилинди. Одатда, Испания чемпионатининг тақвими биринчи тур бошланишига саноқли кунлар қолганда тасдиқланарди. Бу йил эса Англиядан кейин Испания биринчилиги тақвими ҳам оммага тақдим этилди. Бу албатта, қувончли ҳолат.  Бундан ташқари, янги тақвимда ўйинлар санаси аниқ-тиниқ белгиланган. Учрашувларнинг 34 тури якшанба куни, қолган тўрт тур учрашувлари эса чоршанба кунларига белгиланган. Лекин мавсум бошланиш арафасида кунлар ҳам ўзгариши мумкин. Бу эса сафар учрашувларига боришга тайёргарлик курган мухлислар учун қўшимча муаммолар туғдириши аниқ. Айниқса, узоқ шаҳарга боришни режалаштираётганлар учун.

Бу йилги тақвим Испания Футбол федерацияси томонидан қуръага асосан ташланди ва бу сафар ҳар нарсани кутиш мумкин эди. Масалан, «Реал” ва "Барселона” хоҳлаган турда тўқнаш келиши мумкин эди. Илгарилари эса бу ҳолатлар назардан четда қоларди. Шунингдек, янги тақвимга кўра, бир шаҳарнинг икки жамоаси бир турда ўз майдонидаги учрашувларни ўтказмайди. Масалан, «Барселона” сафарга чиқса, "Эспаньол” ўз майдонида ўйнайди. Худди шундай ҳолат, Мадрид ва Андалузия дербисида ҳам кўзатилади. Айтиш жоизки, Андалузия дербисини мухлислар узоқ кутишмайди. Сабаби, «Севилья” ва "Бетис” биринчи турдаёқ бир-бирига қарши майдонга тушади. Ушбу учрашув 22 август куни  «Бетис” стадиони «Бенито Вильямарин»да бўлиб ўтади. Айтиш жоизки, "Бетис” икки йиллик таннафусдан кейин яна Ла Лигага қайтди.

Испания чемпиони «Барселона» янги мавсумни Малагада бошлайди. Хабарингиз бор, ўтган мавсумнинг сўнгги баҳсини ҳам Гвардиола шогирдлари айнан шу шаҳарда якунлашганди. Бу гал каталониялик қаршисида тамоман ўзгарган "Малага” саф тортади. Ёзда ушбу клуб сафи тажрибали футболчилар билан бойиди. Энди «Малага” шарафини Рууд ван Нестелрой, Тулалан, Майтесон, Хоакин ва Манреал каби кучли футболчилар ҳимоя қилишади. Айтиш мумкинки, малагаликлар бу билан тўхтаб қолмоқчи эмаслар. Клуб хўжайини Шайх Ал Тани яна бир нечта футболчиларни сотиб олишни режалаштирган. Шундай экан, «Барселона”га биринчи турдаёқ осон бўлмаслиги ҳозирданоқ ҳаммага аён. 

Биринчи кундаёқ «Малага”нининг 13800 донга чиптаси ўз эгасчини топди. Ҳозирда эса очилиш ўйинига мўлжалланган чипталарни топиш амримаҳол. Айни дамда "Малага” мухлислари ван Нестелрой, Тулалан каби футболчиларни жонли кўришга ошиқишмоқда.

Клуб раҳбарларининг айтишича, жамоа ўз олдига Чемпионлар лигасида ўйнаш ҳуқуқини берадиган ўринларнинг бирини эгаллашни мақсад қилган. Орга йўл йўқ. Таш олиш керак, агар «Малага” биринчи турда "Барселона”ни эмас балки, Ла Лига дебютанти "Райо Вальекано”ни қабул қилганда ҳам шундай ҳолат юзага келарди. Боиси, малагалик мухлислар бу йил жамоанинг ҳар бир учрашувини бевосита ўйингоҳда туриб томоша қилишни режалаштиришган. Буларнинг барчасига сабаб шайх Ал Танидир.

Биринчи турнинг яна бир қизиқарли ўйини Мадрида бўлиши кутилмоқда. 22 август куни Жозе Моуриньо шогирдлари "Сантьяго Бернабеу”да Бильбоанинг "Атлетик” клубини қабул қилади.

- Бу жамоани яқинда қабул қилиб олган мураббий  Марсело Бьелса учун ажойиб дебют бўлади”, – дейди клубнинг янги президенти  Хосу Уррутия.

Яна тўртта «Эл Класско»

Янги мавсумда ҳам мухлислар камида тўртта «Эль Класикко”нинг гувоҳига айланишади.  14 ва 17 август кунлари "Реал" ва "Барселона" клублари ўзаро Испания Суперкубоги баҳсида майдонга тушади. Биринчи учрашув "Сантьяго Бернабеу"да бўлиб ўтса, жавоб учрашуви "Камп Ноу"да ўтказилади.
Испания Кубоги финали муддати эса, ҳали аниқ бўлиб улгурмаган. Ушбу учрашув 20 ёки 25 май кунлари бўлиб ўтиши мумкин. Бу Кубок финалида иштирок этадиган клубнинг Чемпионлар лигаси финалига чиқиш ёки чиқмаслиги билан боғлиқ .
Бундан ташқари, Испания чемпионатининг алоҳида аҳамиятга молик бўлган воқеаси — класико баҳслари муддати ҳам аниқланган. Класико учрашувлари 11 декабрь  ва 22 апрель кунлари бўлиб ўтади. Бунда ҳам ашаддий рақиблар аввалига "Сантьяго Бернабеу"да учрашсалар, кейин иккинчи давра учрашувида "Камп Ноу"да куч синашадилар.

Умуман олганда, Ла Лига баҳслари 22 август куни старт олиб, келгуси йилнинг 13 майида ниҳоясига етиши белгилаб олинди.
 Испания чемпионати -2011/12
1- тур
Осасуна – Валенсия
Леванте – Сарагоса
Реал Мадрид – Атлетик
Райо Вальекано – Мальорка
Эспаньол – ГранадаРасинг – Хетафе
Бетис – Севилья
Малага – Барселона
Вильярреал – Спортинг Хихон
Реал Сосьедад – Атлетико
Испания грандларининг режалари

Хориж матбуотида Испания чемпионатида қатнашаётган клубларнинг трансфер жадваллари эълон қилинди.

Ўз навбатида Испаниянинг икки гранд клуби "Барселона” ва "Реал”нинг мавсум олди режалари кўпчиликни қизиқтиргани боис шу ҳақида маълумот беришга қарор қилдик. Айтиб ўтиш жоизки ҳар икки клуб ҳам ёзда трансфер бозорининг энг чаққон харидорларига айланишади.

Танишинг, "Барселона" ва "Реал" клубларининг трансфер жадваллари.

"БАРСЕЛОНА" режаси:

"Келади-қаердан"

Росси («Вильярреал»)

Санчес («Удинезе»)

Агуэро («Атлетико»)

Тиаго Силва («Милан»)

Фабрегас («Арсенал»)

Пасторе («Палермо»)

Хосе Анхель («Спортинг Хихон»)

Кико Фемения («Эркулес»)

Андрада («Ланус»)

Коэнтрау («Бенфика»)

Азар («Лилль»)

"Кетишади-қаерга":

Монтойя («Валенсия»)

Алькантара («Атлетико»)

Кейта («Атлетико»)

Кркич («Вильярреал», «Рома», «Удинезе»)

Максвелл («Милан»)

"РЕАЛ" режаси:

"Келади-қаердан"

Неймар («Сантос»)

Санчес («Удинезе»)

Агуэро («Атлетико»)

Швайнштайгер («Бавария»)

Майкон («Интер»)

Мело («Ювентус»)

Дефур («Стандард»)

Пасторе («Палермо»)

Ибрагимович («Милан»)

Дрогба («Челси»)

Фалькао («Порту»)

Адебайор («Манчестер Сити»)

Азар («Лилль»)

"Кетади-қаерга":

Серхио Рамос («Интер»)

Кака («Интер», «Челси»)

Игуаин («Ювентус»)

Бензема

Педро Леон

Диарра («Малага», «Ювентус»)

Гарай («Малага», «Бенфика»)

Гаго («Бенфика», «Бока Хуниорс»)

Дренте

Каналес («Ливерпуль», «Челси», «Арсенал», «Валенсия», «Вильярреал»)

Роналду («Милан», «Манчестер Сити»)

Мората («Хетафе»).

Аброр Деҳқонов тайёрлади