| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Сентябрь » 11 » Юрий Саркисян: Тўхтахўжаев қачон таркибимизда эди, эслолмайман...
09:41 Юрий Саркисян: Тўхтахўжаев қачон таркибимизда эди, эслолмайман... |
«Динамо» - «Нефтчи» (2:0) учрашуви якунлангач, фарғоналиклар бош мураббийи Юрий Саркисян учрашувдан кейинги фикрларини билдираркан, футболчиларнинг жароҳати жамоага салбий таъсир ўтказаётганлигини қайд этди.
- Бу учрашув биз учун жуда муҳим эди. Бироқ ўйинга бу сафар ҳам тўлиқ таркиб билан туша олмадик. Тўртта яримҳимоячимиз жароҳатини даволаш билан банд. Булар, Мансур Саидов, Иқбол Акрамов, Азиз Алижонов ва кеча машғулотларда Сардор Мирзаев ҳам жароҳат олди. Ислом Тўхтахўжаевни эса терма жамоага чақириб, бизга қайтаришмади. Устига-устак бугун ўйин бошида марказий ҳимоячимиз Шукур Пўлатов жароҳат олиб майдонни тарк этди. Кўраяпсизми, биз ярим таркибни йўқотганмиз. Бундай шароитда эса «Динамо»га қарши тўп суриш осон бўлмаслигини билардик. Қолаверса, рақиб Олий лигада қолиш учун жон-жаҳди билан ҳаракат қилмоқда. Шогирдларим бугун ҳар қанча уринишмасин гол ура олишмади. Рақибимиз голидан аввал Алишер Холиқовда яхши имконият юзага келганди, ўша голни урса ғалаба қозонишимиз мумкин эди. Лекин бу футбол. Динамочилар гол урган вазиятларда жуда ақлли ўйин намойиш этишди.
- Дарҳақиқат, бугун ҳимоя чизиғида Тўхтахўжаев етишмаётгандек бўлди. Уни икки кунга термадан клубга қайтариш мумкин эмасмиди? Мисол учун, «Динамо» сафидаги Салим Мустафоев ҳам бугун тўп суриб, ўйиндан кейин терма ихтиёрига етиб боради.
- Биз аллақачон бундай футболчимиз борлигини ҳам унутаёздик. Тўғри, Ислом бизнинг рўйхатимизда бор, лекин охирги марта қачон асосий таркибимдан ўрин олганди ёдимда ҳам йўқ. Бир қарасанг миллий термада, бир қарасанг Олимпия термасида… У ҳам ёш футболчи, уни бунчалик зўриқтириш керак эмас. Тўғри, Олимпия термаси олдида ҳам жидий вазифа турибди. Лекин «Нефтчи»га ўхшаган клуб учун битта футболчининг таркибда йўқлиги бу катта муаммо. Бугун бизда битта эмас олтита асосий таркиб футболчиси сафда йўқ. Булар сафда бўлганида натижамиз яхшироқ бўларди.
- Ўйин вақтида боши ёрилиб шифохонага етказилган Шукур Пўлатовнинг аҳволи қандай?
- Унинг боши ёрилганди ва жароҳатини тикишди. Ҳозир ҳам боши бироз айланмоқда. Уйга қайтайлик, кейин аниқ ташхислар аниқ бўлади.
- Бугунги ўйиндан қониқмаганлигингиз мумкин, лекин умумий олиб қаралганда сиз ёш жамоа билан ёмон натижага эришаётганлигингиз йўқ. Ҳатто, учинчи ўрин учун кураш имконияти ҳам мавжуд жамоангизда, шундай эмасми?
- Биласизми, мухлислар «Нефтчи»нинг медаллар учун курашишига ўрганиб қолишган шунинг учун, бугун кучли учликка киришга ҳаракат қилаётганлигимиз улар учун ҳам, биз учун ҳам юқори натижа эмас. Ўтган йиллари таркибимизда қатор йўқотишлар бўлди ва биз ҳаммасини яна бошидан бошладик. Ҳозир ўша етакчилар ўрнини бошқа маҳаллий футболчиларимиз эгаллаб боришмоқда. Тўлиқ таркибимизни сафга йиға олсак биз максимум натижаларга эга бўлиб борамиз.
Усмон Ибодов суҳбатлашди.
Манба: www.fcdinamo.uz
|
|
Категория: Олий лига |
Просмотров: 486 |
Добавил: 11x11
| Рейтинг: 0.0/0 |
| |
 | |  |
|
