"Порту" клубининг ҳужумчиси Халкнинг агенти Теодоро Фонсеканинг айтишича, клуб футболчини сўраб келган яхшигина пулга рад жавобини берган.

Агентнинг таъкидлашича, Халк учун 80 миллион евро таклиф қилишган. "Манчестер Сити", "Челси" ва "Милан" клублари уни сотиб олишни исташган.

Май ойида Халк шартномасини узайтирган, унинг бир бандида футболчини сотиб олишни истаган клуб 100 миллон евро бериши шарт, деб белгилаб қўйилган.

"Халкни ҳеч ким сотиб олиш учун таклиф бермади, десам нотўғри гапирган бўламан. Ўйлашимча, мижозимга 80 миллион евро таклиф қилишди, аммо "Порту" ҳатто музокараларга киришишга ҳам кўнмади. Мен қайси жамоа сотиб олишни истаганини айтмайман, уни сиз ҳам биласиз, фақатгина 3-4 клубгина шунча пул беришга қодир", - дейди футболчининг агенти Record нашрига берган интервьюсида.