Кеча сайтимизда Давлатбек Ёрбеков ҳақидаги маълумот берилгач, Ўзбекистоннинг
энг кўзга куринган сайтларида ушбу хабар ҳам пайдо бўлди ва мухлислар орасида ката
шов-шувга сабаб бўлди. Кейин эса катта саҳнага "Пахтакор” матбуот котиблари чиқишди
ва яна бир чигалликни келтириб чиқаришди. Аниқроғи, бизнинг маълумотларимизни инкор
этишди, гўё. Бир томонда эса мухлислар ким
ҳақ ва ким ноҳақлигини билмай, ҳайрон қолишди.
Бугун уша вазиятга ойдинлик киритишга ҳаракат қилиб кўрамиз. Келинг
аввало Ёрбековнинг "Пахтакор”га ўтганлиги ҳақидаги маълумот қаердан пайдо
бўлганлигига киритиб ўтсак.
11 июль душанба куни Фарғона вилоят Футбол федерацияси мажлислар залида
Мекиска бўлиб ўтган ўсмирлар ўртасидаги жаҳон чемпионатида иштирок этган ёш
футболчилар – Давлатбек Ёрбеков, Муҳсин Убайдуллаев ва Нодирхон Камолов ҳамда
журналистлар ўртасида матбуот-анжумани ўтказилди. Унда айрим сабабларга кўра,
Равшан Ҳайдаров иштирок эта олмади.
Ушбу анжуманда шунингдек, Давлатбек Ёрбековнинг ҳозирги устози Хушбек
Қосимов ҳам қатнашди ва бир қатор саволларга жавоб қайтарди.
Айни дамда Фарғона БЎСМ ишлаётган собиқ футболчи охирги икки йил давомида
Давлатбек Ёрбековга футбол сирларини ўргатаётганди. Давлатбекнинг биринчи
устози Руслан Унеров ҳисобланди.
Хуллас, ўша матбуот анжуманида Ёрбековнинг ўсмирлар терма жамоасига
қандай бориб қолганлиги ҳақида Қосимов гапириб берди.
- Бир куни машғулотларимизни кўзатгани Евстафеев келишини эшитиб
қолдим. Буни эшитган Давлатбек олган жароҳатини ҳам унутиб майдонга тушди.
Натижада унинг ўйинлари ўсмирлар терма жамоаси устозига ёқиб қолди ва уни терма
жамоага жалб этишди. Бугунгача Ёрбеков
бир неча марта «Нефтчи”га борганди. Аммо ҳар гал Асад Дўрмонов бунга рад жавобини
берганди. Ҳаёт чархпалагини қарангки, ҳозирда улар Давлатбекни таклиф
қилишаяпти. Бироқ шогирдим Мексикада "Пахтакор” билан шартнома имзолаган экан. Мен
унинг қарорини маъқуладим”.
Айтиш жоизки, шу кунгача Давлатбек Ёрбеков Фарғона шаҳридаги
Машинасозлар коллежида ўқиш билан бирга, Фарғона БЎСМда Хушбек Қосимов
машғулотларида иштирок этаётганди ва уни Мексика мундиалигача кўпчилик
танишмасди.
Хуллас, манна шунақа гаплар, ҳурматли футбол мухлислари мен ўз кўзим
билан кўриб, қўлоғларим билан эшитганларимни ёздим.
Ким ҳақ ким ноҳақ эканлигини эса мухлисларнинг ўзлари ажратиб олишади. Хулоса чиқариш ўзингизга ҳавола. Омон бўлинг!
Аброр Деҳқонов "Футбол Инфо” газетаси
бош
муҳаррири ўринбосари
Фарғона
шаҳри
| 
