| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Сентябрь » 15 » Мариа Мендез: "Ўзбекистон ЖЧга муносиб"
17:50 Мариа Мендез: "Ўзбекистон ЖЧга муносиб" |
Бугун соат 11:00да Ўзбекистон футбол федерациясининг матбуот анжумани залида, Ўзбекистон мини футбол терма жамоасининг янги бош мураббийи Мариа Мендез билан матбуот анжумани бўлиб ўтди. Унда, терма жамоалар маркази директори Асқар Толибжонов, мини футбол ассоцацияцияси президенти ва вице президенти Жаҳонгир Усмонов ва Мухтор Ҳошимов иштирок этдилар.
- Аввало барчангизга салом! Юртингизда менга ишонч билдиришганлигидан миннатдорман ва мен бу ишончни оқлашга ҳаракат қиламан.
- Сизнинг олдингизга қандай вазифалар қўйилди?
- Мени ишлаган жамоаларим билан бир неча бор Ўзбекистон терма жамоасига қарши ўйинларда иштирк этганман. Терма жамоангиз ўйинчиларини яхши биламан. Осиё чемпионатига қадар улардан якдил жамоа тузиб, ўз услубимда иш олиб бораман. Сапонинг ўз услуби бўлган, менинг ўз услубим бор. Мен бу билан Саподан устунман демоқчи эмасман. Мақсадим, ҳар бир учрашувда ғалаба қозониш. Бунинг учун тинмай меҳнат қилишга ҳаракат қиламиз.
- Сиздан аввал Ўзбекистонда бразилиялик мутаҳассис Сапо ишлаган. Айтиш жойизки, Бразилия ва Испания футзал терма жамоалари дунёдаги энг етакчи мамлакатлар сирасига киради. Бу икки терма жамоа ўртасидаги фарқ қандай?
- Тўғри. Иккисининг ҳам бир-биридан устун томонлари бор. Қайсидир жабҳада Бразилия устун, айрим жиҳатлари билан Испания. Сапо Ўзбекистон терма жамоасини жуда яхши бошқарганди. Буни Осиё чемпионатидаги ўйинларида ҳам кўрганман. Мен унинг бу ердаги ишини давомчиси бўламан ва бундан фахрланишим мумкин. Бразилияда кўпроқ ҳужумчи билан ўйнашни мақул кўришади. Испанияда эса тактик футзал биринчи ўринга қўйилади. Сўнгги пайтларда Бразилия ҳам европаликлар каби тактик футбол кўрсатишга ҳарака қилишяпти.
- Ўз фаолиятингиз ҳақида сўзлаб берсангиз.
- Мен 22 ёшимда ўз фаолиятимни бошладим ва 24 ёшда профессионал мақомини олдим. Айнан шу ёшда Испания лигасида профессионал мураббий сифатида иш бошладим. Энг катта ютуғимни Хорватияда эришганман. Робейи жамоаси билан УEФА кубоги соҳиби бўлганман. 2008 йил Таиланд чемпиони бўлдим. Ўтган йилдан бошлаб ФИФА инструктори сифатида ишлаб келаман. Шунингдек, Таиланд терма жамоасини жаҳон чемпионатига олиб чиққанман.
- Мураббийлар штабидан кимлар ўрин оладилар?
- Бизнинг биринчи рақамли вазифаларимиздан бири ЖЧ йўлланмасини қўлга киритиш. Мени бу ерга келишимдан мақсад маҳаллий мутаҳассисларнининг савияларини оширишга ёрдам бериш. Бунинг учун мураббийлар штабига маҳаллий мураббийларни ҳам қўшишни режалаштирганман. Ундан ташқари бизнинг ҳар бир машғулотимиз очиқ кўриши олади ва истаган мутаҳассис келиб бизнинг ишларимиздан андоза олишлари мумкин. Ундан ташқари, ҳар бир машғулот видеога олинади ва уларни ҳам қўлланма сифатида тарқатишимиз мумкин.
- Таиланд терма жамоасини тарк этишингизга нима сабаб бўлди. Ахир сизда кейинги жаҳон чемпионатида иштирок этиш учун жуда яхши имконият бор эди. Таиланд кейинги мундиал мезбони ҳисобланади.
- Таиландни тарк этганимга 1 ой бўлди. Улар билан тузган шартномам 2011 йилнинг июль ойига қадар эди ва мен шартномамни тўлиқ адо этгандим. 2-3 ой аввал Таиланд футзал федерацияси раҳбариятида ўзгариш бўлди. Улар мен билан ишлашни исташди, аммо берилган вадаларини амалга оширмас эдилар. Шунинг учун мен бу ердан кетишга қарор қилдим ва Ўзбекистондан тушган таклиф менга жуда мақул келди. Нима учун Ўзбекистонни танладим? Бу юртга бўлган қизиқишим жуда катта. Терма жамоангиз ўйинчилари яхши савиядаги футзалчиларга эга. Ишга келмасимдан аввал бу терма жамоани ЖЧга чиқишга ҳақли деб билардим. Энди бу вазифани ўзим бажаришга ҳаракат қиламан. Менга Ўзбекистондан ташқари Осиё ва Eвропадан бошқа таклифлар ҳам бўлган эди. Лекин мен Ўзбекистон терма жамоаси вариантини танлашни мақул кўрдим.
манба : championat.uz
|
|
Категория: Ўзбек футболи |
Просмотров: 597 |
Добавил: 11x11
| Рейтинг: 0.0/0 |
| |
 | |  |
|
