| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Июль » 24 » Мурат Жумакеев: Ўйинда қайд этилган ҳисоб ҳаққоний бўлди
13:39 Мурат Жумакеев: Ўйинда қайд этилган ҳисоб ҳаққоний бўлди |
Ўзбекистон ва Қирғизистон терма жамоалари ўртасидаги ўйиндан кейинги матбуот анжуманида дастлаб меҳмонлар бош мураббийи Мурат Жумакеев иштирок этди.
- Биринчидан, Ўзбекистон терма жамоасини ғалаба билан табриклайман. Улар бугун чиройли ўйин кўрсатди. Аввал ҳам айтиб ўтганимдек, Ўзбекистон қараганда кучли ва қайд этилган 4:0 ҳисоби ўйинга мос бўлди.
- Ҳужумда бундай яхшироқ ўйнашингиз мумкин эдими?
- Ҳа, мумкин эди. Аммо Ўзбекистон терма жамоаси билан очиқ ўйин қилиб бўлмасди. Шунинг учун мен жамоани фақат битта ҳужумчи билан ўйнашга кўрсатма бердим.
- Қирғизистон бугун ниманинг эвазига мағлубиятга учради, деб ўйлайсиз?
- Биринчи навбатда тезкор фикрлаш ва тезкор қилиш эвазига. Ундан кейин тўп билан ишлашда биз суст ҳаракат қилдик. Ўзбекистон терма жамоасининг таркиби жуда кучли футболчилардан ташкил топган. Миллий чемпионатни ҳам Қирғизистон чемпионати билан таққослаб бўлмайди. Ана шуларнинг барчаси эвазига биз бугун мағлуб бўлдик.
- Бишкекка қайтиб борганингиздан сўнг, раҳбарларнинг "Нима учун бундай ҳисобда мағлубиятга учрадинглар", деган саволига қандай жавоб берасиз?
- Назаримда, бизга бундай мурожаат қилишмаса керак. Ўзбек ва қирғиз футболи ўртасидаги савияни барча яхши тушуниб турибди. Йигитлар бугун охиригача курашишди, қўлдан келганча ҳаракат қилишди.
- Шогирдларингизнинг майдонда ётиб олишлари нима билан боғлиқ: жисмоний сустликми ёки арабча футбол?
- Ҳозирги кунда Қирғизистон чемпионатида танаффус юзага келганди. Футболчиларни таътилдан кейин йиққандим. Шунинг учун уларни функциионал жиҳатдан тайёрлашга улгурмадим. Томир тортишишларнинг барчаси шундан келиб чиқди.
- Ўзбекистон терма жамоаси таркибида қайси ўйинчини алоҳида ажратиб кўрсатган бўлардингиз?
- Ўзбекистон замонавий футбол намойиш қилади. Шунинг учун ҳеч бир ўйинчини ажратиб кўрсата олмайман. Жамоа ўз олдига қўйган вазифани бажарди. Мақсадга эришишда эса барча футболчилар бирдек ҳаракат қилишди.
- Жавоб ўйинида қандай ўйин услубини танлайсиз?
- Жавоб ўйинида мухлисларни хурсанд қилиш учун ўйнашга ҳаракат қиламиз. Имкон қадар жисплашган ҳолда, масъулият билан ўйнаймиз.
Манба: www.uff.uz
|
|
Просмотров: 548 |
Добавил: 11x11
| Рейтинг: 0.0/0 |
| |
 | |  |
|
