Ўзбекистон ўсмирлар терма жамоаси (U-16) Осиё чемпионати саралаш мусобақасига сўнгги тайёргарлик босқичини Тошкент ва Дукентда ўтказади. Дилшод Нуралиев шогирдларининг навбатдаги ўқув-машғулот йиғинларини 1-7 август кунлари бўлиб ўтади. Шундан сўнг, орадан бир ҳафта ўтгач, жамоа аъзолари Дукент спорт-соғломлаштириш масканида (14-28 август) икки ҳафталик йиғинда иштирок этиш учун йиғиладилар.
Қисқа муддатли танаффусдан кейин Нуралиев жамоаси 9 сентябрь куни Қарши шаҳрига йўл олади. Маълумки, 16 ёшгача бўлган ўсмирлар ўртасидаги Осиё чемпионати саралаш босқичининг "С” гуруҳи ўйинлари айнан Қаршида ўтказилади. Ўзбекистон терма жамоаси ўзининг дастлабки учрашувини 14 сентябрь куни Қирғизистонга қарши ўтказади.
Эслатиб ўтамиз, қитъа биринчилигининг финал қисмига йўл олиш учун "С” гуруҳида Ўзбекистон, Тожикистон, Баҳрайн, Қирғизистон ва Ҳиндистон терма жамоалари кураш олиб боришади. Саралаш босқичининг якунига кўра, иккита кучли жамоа Осиё чемпионатига йўлланмани қўлга киритади.
Манба: www.the-uff.com
|