Тошкентнинг «Пахтакор» клуби академияси 5-9 ва 13-18 август кунлари
иккита ҳалқаро мусобақа ўтказади. Бу ҳақда клуб расмий сайти хабар бермоқда.
Мусобақанинг биринчиси «Пахтакор» - 79 ҳотирасига бағишлаб
ташкиллаштирилади ва унда қўшни Қозоғистон ва Туркманистондан ташриф буюрадиган
жамоалар иштирок этадилар. Шунингдек, Урганч ва Бекобод шаҳарларидан жамоалар
мусобақада қатнашадилар. Турнир 1996 йилда таваллуд топган футболчилар ўртасида
бўлиб ўтади. Унда «Пахтакор»нинг икки таркиби, 1996 ва 1997 йил академия
тарбияланувчилари иштирок этадилар. БЎСМ-16 ва «Бунёдкор» тарбияланувчилари
турнирдаги жамоалар сафини тўлдирадилар.
Иккинчи турнир эса «Пахтакор» жамоасини 55 ёшга тўлганлиги муносабати
билан ташкил этиляпти. Бу мусобақада 1998 йилда таваллуд топган футболчилар
ғолиблик учун кураш олиб бориши кўзда тутилган. Ҳозирча иккинчи турнирда қайси
жамоалар иштирок этиши борасида клуб расмий сайти маълумот бериб ўтгани йўқ.
|