| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Июль » 15 » Равшан Ҳайдаров 50 ёшда!
12:07 Равшан Ҳайдаров 50 ёшда! |
"Пахтакор" клуби расмий сайтининг хабарига кўра, бугун жамоанинг бош мураббийи Равшан Ҳайдаров ўзининг ярим асрлик таваллуд айёмини нишонламоқда.
1961 йилнинг 15 июль санасида Тошкенда таваллуд топган Ҳайдаров ёшлигиданоқ футболга меҳр қўйган. Шу сабабли ҳам 17 ёшида Ўзбекистон Жисмония тарбия институтига ўқишга қабул қилинган ва 1982 йилда уни тамомлаган. Футболчилик фаолиятини эса собиқ Иттифоқ иккинчи лигаси аъзолари саналган жамоаларда ўтказган. Мустақилликка эришганимиздан кейин эса "Трактор” билан олий лигада иштирок этган. 1984 йил "Хива”да ўйнашни бошлаган Ҳайдаров икки мавсум ушбу жамоа шарафини ҳимоя қилган. Сўнгра навбатдаги икки йилни "Целинник” либосида ўтказган. 1988 йилда Хоразмнинг "Хонқа” жамоаси сафига кўчиб ўтган. 1989 йилда "Жайхун” клуби таркибида майдонга тушган. 1989 йил охирида футболчилик фаолиятида ўзи учун қадрдон клубга айланиб қолган "Трактор” билан шартнома имзолаган.
Шу бўйи "Трактор” билан 2002 йилга келиб хайрлашган. Ўшанда у Германияда таҳсил олиб келиб, миллий терма жамоамизда иш бошлаганди. Миллий термамизга эса икки бор бош мураббий этиб тайинланган. Дастлаб 2002 йилнинг 14 майида дебютини ўтказган. Ўшанда Братиславада Словакия термасига қарши баҳс олиб борилган. Биринчи муддатда 2004 йил 17 ноябргача иш юритган. Кейин 2005 йилнинг июнь ойи мобайнида ишлаган. Бироқ иккинчи сафар у фақат икки учрашувда терма жамоамизни майдонга олиб тушган. Жами 25 учрашувнинг 13тасида унинг шогирдлари ғалаба қозонишган. Олтитадан беллашувда дуранг ва мағлубиятли натижа қайд қилинган. Термамиз 45 тўп ўтказиб юбориб, 30 гол қўйиб юборган. Равшан Акмаловичнинг кўрсаткичи роса 60 фоизни ташкил этган. Бу терма жамоа учун анча яхши натижа саналади.
50 ёшни қарши олган бўлишига қарамай, ҳамон изланишдан чарчамайдиган Равшан Акмаловичга бундан кейинги фаолиятида ҳам омадлар тилаб қоламиз. У ҳали ўзбек футболи ривожланишига янада кўпроқ ҳисса қўшишига барчамиз ишонамиз. Ярим асрлик туғилган куни билан яна бир бор табриклаган ҳолда Ҳайдаровдан ўзбек футболига янги-янги иқтидорларни тақдим этишни кутиб қоламиз.
Равшан ҲАЙДАРОВ
Туғилган санаси: 15.07.1961
Туғилган шаҳри: Тошкент
1978-82 йилларда Ўзбекистон Жисмония тарбия институтида таҳсил олган.
1984-86 "Хива”, 1986-88 "Целинник”, 1988-89 "Хонқа”, 1989 "Жайхун”, 1989-1997 "Трактор”.
Мураббийлик фаолияти: 1998-2002 "Трактор”, 2004 йилдан буён "Пахтакор”да. 2002-2005 йилларда Ўзбекистон миллий терма жамоасида бош мураббий бўлган.
Эришган ютуқлари: Ўзбекистон чемпиони, Ўзбекистон Кубоги соҳиби, МДҲ Кубоги соҳиби (2007), Осиё Кубоги чорак финалчиси (2004).
P.S.
Uff.uz сайти ва "Чемпион" газетаси ижодкорлари ўзбек футбол мухлислари номидан Равшан Ҳайдаровни бугунги таваллуд айёми билан муборакбод этади.
Манба: www.pakhtakor.uz
|
|
Просмотров: 528 |
Добавил: 11x11
| Рейтинг: 0.0/0 |
| |
 | |  |
|
