"Реал” ҳимоячиси Рикарду Карвалью испаниялик журналистлар билан қилган мулоқот чоғида жамоада ўтказган йиллари ва Жозе Моуриньо ҳақида сўзлаб берди. Бундан ташқари, португалиялик футболчи Чемпионлар лигасидаги муваффақиятлар сирини ҳам фош этди.

- Менимча, сиз ҳозир "Реал”нинг энг тажрибали ўйинчиси бўлсангиз керак. Рости айтинг, Жозе Моуриньо сизни буюк жамоага таклиф қилганида кўнглингиздан қандай кечинмалар ўтганди?

- Бироз ошириб юбордингиз. Мен жамоадаги энг ёши катта футболчиман. "Қироллик клуби” менга қизиқиш билдираётганини эшитганимдаги ҳолатимни тасаввур эта олмайсиз. Қуврнчим чексизэди. Бу менинг фаолиятимдаги олдинга ташланган қадам бўлган. Ахир мен олти йил «Челси” шарафини ҳимоя қилдим. Буюк жамоадан келган чорлрвни фантастика сифатида қабул қилгандим, ўшанда. Ҳозир "Реал” аъзоси эканлигимдан фахрланаман.

- Сизнинг фаолиятингиз Жозе Моуриньо билан чамбарчас боғланган. Сиз ушбу мутахассис билан «Порту” ва "Челси”да бирга бўлгансиз. Энди эса йўлингиз «Реал”да ҳам кесишди. Бу даражага етишингизда Моуриньонинг ўрни беқиёс дейишга асосимиз борми?

- Жозе ҳар бир машғулотда энг кичик делалларгача назорат қилади. Унинг қўли остидаги футболчи кундан-кунга тажриба тўплашини истайди. Унинг талаби ҳам шу. Моуриньо билан ишлаш жараёнида нафақат футболчи балки, етук инсон сифатида ҳам камол топасан. Ушбу мутахассис билан узоқ йиллардан бери ҳамкорлик қилаётганимдан бошим осмонга етди. Унинг ёнида бўлишнинг ўзи катта шараф.

- Жозе Моуриньонинг муваффақиятлари сири нимада?

- У тинимсиз меҳнат қилади. Ҳар куни юқори савияда иш олиб боради. Қилаётган ишига борлиғини бағишлайди. Бундай мураббийлар дунёда камдан-кам учрайди. Жозе хато қилишни ёқтирмайди. Шунинг учун футболчилага ҳар доим шундай дейди: «Сен ҳато қилишга ҳаққинг йўқ. Ким бўлишингдан қатъий назар”.  Зўрларнинг зўри бўлиши учун ўз устингда тинмай ишлашинг керак. Моуриньонинг айтганини бажарган футболчи усганини ҳис этади.

- Футболчилик фаолиятингизни маҳаллий "Амаранте” клубида бошлагансиз. Кейин «Порту” сафида Европада ном қозондингиз. Сўнгра, Моуриньо сизни Лондонга олиб келди. "Челси” таркибида бир неча бор чемпион бўлдингиз...

- Ҳаммаси тўғри. Болалигимда "Порту”да ўйнашни орзу қилганман. Кейинроқ барчаси ўзгарди. Ўз кучимни кучлироқ чемпионатларда синаб куришга қарор қилдим. Шундан сўнг, Англияга йўл олдим. Премьер лигада, таниқли футболчилар билан елкама-елка тўп сурганимдан бахтиёрман. Ўша футболчиларнинг аксарияти ҳамон менинг энг яқин дўстлари саналишади. Мен футболчилик фаолиятимдан тўла қониқиш ҳосил қиляпман.

- Ҳозир тўп сураётган жамоангиз Европанинг энг ёш жамоаси сифатида эътироф этилмоқда. Айтинчи, ёш ўйинчиларга маслаҳт бериб турибсизми?

- Албатта. "Реал”да барчаси мендан ёш. Юқорида айтганимдек у ерда қариси мен. "Челси”да эса бошқача эди. "Қироллик клуби”даги ёшлар иқтидорли. Фақат улар бироз сабр қилишлари керак. Шунда ҳаммаси жойида бўлади.

- Моуриньо ва сиз "Реал”да иккинчи мавсумни ўтказаяпсизлар. Ҳозир жамоада тамоман бошқача атмосфера ҳукмронлик қиляпти. Бу борада сизнинг фикрингиз қандай?

- Ахир жамоа жуда катта бўлганидан кейин шундай бўлади-да. (кулади). Буларнинг барчаси руҳий ҳолат билан боғлиқ. Ҳозир жамоадаги ҳар бир футболчи фақат ва фақат ғалабани истамоқда. "Реал” ўйинчилари ғалабага ташна.

Ҳар бир футболчи "Реал” либосида майдрнга тушишни истайди. Бундан ташқари, улар мадридда яхши из қолдиршга ҳаракат қилишади.

- "Сантьяго Бернабеу” стадионида Чемпионлар лигаси мусобақасида майдонга тушганингизда нимани ҳис этгансиз. Ўша ўйин бошқа жамодаги иштирокингиздан нимаси билан фарқ қилган.

- Бу тўғуларни бошқаси билан солиштириб бўлмайди. Кўнглимдаги кечинмаларимни бир сўз билан ифодалаш қийин. Стадионга киришинг билан лиқ тўлган мухлисларни куриб ҳавасинг келади. Бу даҳшатнинг ўзгинаси. Бундай ҳолатларда "Реал” нақадар буюк эканлигини ҳис этасан.

- Жамоада ҳар бир чизиқда кучли ўйинчилар тўпланган. Шундай футболчилар ичидан кимларни алоҳида ажратиб кўрсатган бўлардингиз?

- Биласизми, ҳозир бирор бир футболчини ажратиб кўрсатишни истамасдим.

Биз бир жамоамиз.  Ҳар бир ўйинчи жамоанинг ғалаба қозониши учун жонини беришга тайёр. "Реал» вакиллари мухлисларни уялтириб қўймасликка интилишмоқда. Бизнинг мақсадимиз жамоа бўлиб ўсиш ва кўплаб совринларни қўлшга киритиш. Бунинг учун қўлимиздан келган барча ишни қиламиз.

Тўғри, мухлислар учун Роналду, Игуаин, Бензема ва Ди Мария кўпроқ ёқади. Жамоадагилар учун эса номлар ҳеч нарсани ҳал қилмайди.

- Афтидан, мадридликлар бу сафар Чемпионлар лигасининг финалига қадар етиб боришни ният қилишган. Аммо жамоа бунга қодирмикан?

- Биз барчага нималарга қодир эканлигимизни кўрсатишимиз шарт. Моуриньонинг меҳнатлари Зое кетмаслиги учун ўзимиз иштирок этаётган ҳар бир мусобақада ғалаба қозонишимиз керак. Турнирда зафар қучиш учун эса аввало финалга йўлланма олиш даркор.

Гуруҳ босқичидан чиққанимиздан кейин плей-оффда оғир ўйинлар кутиб турибди. Икки баҳсдан иборат жангларда бизга осон бўлмаслигини ич-ичимиздан сезиб турибмиз. Биринчи ўйинда зўр ўйнаб иккинчисида рақибга имкониятни бой беришни истамаймиз. Мақсадимиз лигада ғолиб бўлиш экан. Ҳар бир учрашувда ғалаба қозонишимиз лозим. Акс ҳолда…

Биламан, ҳозир плей-офф ҳақида гапиришга эрта. Олдинда гуруҳ баҳслари бор. Аввало бу босқичдан ўтишимиз керак бўлади. Такрор айтаман. Лигада бош совринни олиш учун финалга чиқишимиз шарт. Мюнхенга борсакгина ниятимизга етамиз.

- Жамоа мавсумни ўта омадли бошлади. Лекин олдинда ҳали қийин ўйинлар кутиб турибди.

- Айнан манна шу руҳда давом этишимиз керак. "Барселона” чемпион бўлиш учун бор кучини сарфлайди. Бу рақобатда ютиб қишишимиз учун, албатта, ҳар бир ўйинни уч очко олишимиз даркор. Бундан ками бизга керак эмас. Чемпионликни қўлга киритишимиз қанчалик муҳим эканлигини ҳамма яхши билади. Ҳозир ҳамма машғулотларда зўр бериб ишламоқда. Барчанинг фикру-хаёли фақат чемпион бўлишда.

Клуб расмий сайтидан Аброр Деҳқонов тайёрлади