Голландиялик собиқ футболчи Роналд Куман Голландиянинг "Фейенорд" жамоаси бош мураббийига айланди. Ўзининг кучли зарбалари билан футбол тарихидан жой олган афсона клуб билан бир йиллик битимга келишиб олди. Бу ҳақда клуб расмий сайти хабар тарқатмоқда.

Куман "Фейенорд" бош мураббийлиги истеъфога чиқарилган Марио Беендан қабул қилиб олди. Беен бир неча кун муқаддам клуб билан келиб чиққан низолар натижасида жамоадан кетишга қарор қилганди.

Клуб расмий сайтида ёзилишича, Куманнинг мураббийлар штабидан яна бир собиқ футболчи Жованни ван Бронкхорст ҳам ўрин эгаллайди. "Жио" Роналднинг биринчи ёрдамчиси сифатида фаолият олиб боради.

Таъкидлаб ўтиш жоиз, Роналд Куманнинг мураббийлик фаолиятидаги ютуқлари Голландиянинг бошқа жамоалари — ПСВ ва "Аякс"га тўғри келади. Бу икки жамоани Куман мамлакат чемпионати ғолиблиги сари етаклаб келган. Шунингдек у Испания Қирол Кубогини "Валенсия" бош мураббийи сифатида қўлга киритганди. Бироқ кейинчалик Испания чемпионатида жамоа 16-ўринга тушиб кетгач, Куман истеъфога чиқарилган ва шундан кейин бирор-бир жамоада фаолият олиб бормаётганди.