| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Июль » 29 » Санъат Шарипов: Ҳайдаровнинг трансфер нархи – 500 минг доллар
08:55 Санъат Шарипов: Ҳайдаровнинг трансфер нархи – 500 минг доллар |
Ўзбекистон миллий терма жамоаси ярим ҳимоячиси Азизбек Ҳайдаров Бирлашган Араб Амирликларининг "Аш-Шабоб” клуби билан ўтган сешанба куни бир йилга мўлжалланган шартнома имзолагани ҳақида мухлисларга веб-сайтимиз орқали етарлича ахборот бердик. Аммо Ҳайдаровнинг трансферига оид молиявий масалалар барчага қоронғулигича қолаётган эди. Бу бўшлиқни тўлдириш мақсадида, биз футболчининг расмий агенти Санъат Шарипов билан яна бир бор алоқага чиқдик. Айни кунларда Дубайда Азизбекнинг ишлари билан машғул бўлиб турган С.Шарипов шартноманинг молиявий томонларини бизга батафсил гапириб беришга ҳаракат қилди.
- Санъат, ҳаммани футболчингизнинг трансфер нархи қизиқтирмоқда. Бундай маълумотларни ошкор эта оласизми?
- Олдиндан келишиб олайлик. Мен сизга фақат битта нарсани айтаман. Фақат футболчининг трансферига "Аш-Шабоб” тўлаган суммани, холос. Бевосита ўйинчи ва унинг янги клуби ўртасидаги меҳнат шартномасининг молиявий шартларини айтиб беролмайман. Чунки буни эълон қилишга менинг ҳаққим йўқ. Умуман, бу шахсий нарса. Футболчининг маоши ва бошқа даромадларини биров билиши шарт эмас. Ҳамма ўз иши ҳақида ўйлагани маъқул. Мухлис мухлислигини қилсин, футболчи ўйнашни қойиллатсин, клуб раҳбари жамоани бошқаришни тўғри йўлга қўйсин ва ҳ.к.
Азизбек Ҳайдаровнинг БААга ўтиши эвазига эса "Бунёдкор” ФК 500 минг долларга эга бўлди. Саволингизга қониқарли жавоб бердим, деб ўйлайман.
- Бу нарх жаҳон трансфер бозорида қандай қимматга эга? Пастми, баландми?
- Ўзбекистонлик футболчининг ўтиши учун тўланган ушбу нарх халқаро бозорда жудаям яхши баҳо ҳисобланади. Сизга бу борада бир-иккита мисолларни келтираман. Бу йил бундеслигада Дортмунднинг "Боруссия” клуби чемпионликка эришди. Жамоанинг ўйинларида асосий фигуралардан бири сифатида япониялик Шинджи Кагава гавдаланди. Уни немислар "Серезо Осака” клубидан 350 минг еврога сотиб олишганди. Битта мавсумдаёқ ўйинчининг нархи ғоятда кескин равишда ошди. Айни дамда Кагава 4 миллион евро туради.
Ҳар йили Европада якунланган мавсумдаги энг яхши трансферлар рейтинги эълон қилинади. 2010/11 йиллардаги ТОП-трансферлар ичида Кагаванинг ўтиши 8-ўринни эгаллади. Бутун Европада саккизинчи ўрин-а! Ёки шу рейтингнинг 10-поғонасига лойиқ топилган Бельгия фуқароси, асли марокашлик Носир Шодлини олайлик. Кўҳна қитъада ярқ этиб порлаган бу келажак юлдузи Голландия етакчиларидан бири саналмиш "Твенте”га шу давлат қуйи лигасидан 500 000 еврога кўчиб ўтганди.
Энди солиштириб кўринг... Менимча, Азизбекнинг трансфер нархи жаҳон бозорида ўз ўрнига эга даражадаги мавқега мос бўлди.
- Энди танганинг иккинчи томони. Ҳайдаров Россияга кетганида кейинчалик Европага йўл олиши осон кечармиди ёки ҳозирги ҳолатда, яъни Араб Амирликлари орқали ҳам кучли чемпионатлардан бирига кириб бориши мумкинми?
- Мен бу йўналишда ҳам алоҳида изланишлар ўтказдим. Вазиятни обдон ва атрофлича ўрганиб чиққанман. Испанияга эронлик футболчилар орасида биринчи бўлиб борган Жавад Некунамни барча танийди. Бу моҳир ярим ҳимоячи Испания олий дивизионида, "Осасуна” клубида 2006 йилдан буён тўп суради. Футболчи у ерда бешта мавсум ўтказди. Унгача Некунам айнан БААда ўйнаган: 2005/06 йиллардаги мавсумнинг биринчи ярмида "Ал-Ваҳда”да, иккинчи ярмида "Аш-Шаржа”да тўп сурган. Қаранг, БАА чемпионатидан Испанияга борган Жавад Некунам рақобат ўта кучли бўлган чемпионатда беш йилдан бери барқарор тарзда ўйнаб келяпти. Бунақа мисолларни яна етарлича келтириш мумкин.
Хуллас, Азизбекнинг БААга йўл олгани - бу олдинга ташланган қадам. Масалан, Европага чиқиб, БАА лигаси ҳақида сўз очсангиз, бу мавзуда сиз билан бажонидил суҳбатлашишади. Осиёдаги лигалардан шундай нуфузга яна, менимча, Япония ва Корея лигалари эга, холос.
Манба: www.uff.uz
|
|
Просмотров: 756 |
Добавил: 11x11
| Рейтинг: 0.0/0 |
| |
 | |  |
|
