Москванинг "Спартак” жамоасига қарши кечган ўйиндан кейин "Спорт
Экспресс” газетаси мухбирлари бир қатор футболчилар билан суҳбатда бўлишди. Булар орасида "Волга”нинг ўзбекистонлик
легионери Санжар Турсунов ҳам бор эди.
Мусоҳаба чоғида ҳамюртимиз ўз хатолари устида янада кўпроқ ишлашга
ваъда берди.
- "Спартак” – буюк тарихга эга ва кучли жамоа. Бу жамоани ҳурмат
қиламиз, аммо улардан чўчимаймиз. Бугун
негадир ўзимизнинг ўйинимизни намойиш эта олмадик. Бир қатор хатоларга йўл
қўйдик. Учрашув охирида ўзимизга келдик, аммо вақт ўтиб бўлганди. Нима ҳам
дердим бугун омадимиз келмади.
- Мағлубиятнинг сабаби нима
деб ўйлайсиз?
- Билмадим. Ўз устимизда ишлашни давом эттирамиз.
- Бугун Москвада об-ҳаво ҳам
бироз инжиқлик қилди. Балки шу нарса ҳам сизларга ҳалақит бергандир?
- Мен бундай деб ҳисобламайман.
Ахир икки жамоа ҳам бир хил шароитда тўп сурди. Менимча, биздан кўра, "Спартак”ка
қийин бўлди.
- Сўнгги тўрт кун ичида
пойтахтнинг икки жамоаси билан ўйнадингиз. Қайси жамоаси сизда яхши таассурот
қолдирди?
- ЦСКА айни дамда чемпионат пешқадами саналади, У ерда кучли
футболчилар жамланган. "Спартак” ҳақида ҳам шундай дейиш мумкин.
- Сизни "Волга”нинг энг яхши
футболчилар бири сифатида эътироф этишади. Сизга Россиянинг кучли жамоаларидан
таклифлар тушмадими?
- Ҳозирча ҳеч қандай чорловлар бўлмади.
- Хорижий жамоалардан-чи?
- Йўқ. Мен "Волга”
футболчисиман ва бу жамоа билан яхши натижаларга эришишни истайман.
- Тақвим "Волга” учун
мураккаб келди. Пойтахтдаги иккита оғир учрашувдан кейин олдинда сизларни "Динамо",
"Ростов", ва "Локомотив"га қарши кечадиган баҳслар кутиб
турибди. Мазкур учрашувларда ҳам муваффақиятсиз кечса, жамоа бу инқироздан
чиқиб кетиши оғир кечади?
- Ўйлайманки, биз бўлажак
ўйинларда рақибларимиздан устун келамиз. Умуман
олганда, Россияда кучсиз жамоанинг ўзи йўқ.
- Жамоадаги янги муҳит қандай?
Янги мураббийлар штаби ҳақида нималар дея оласиз?
- Биздаги муҳит аъло даражада.
Мураббийлар олиб бораётган машғулотлар бизга маъқул келмоқда. Фақат бироз
ишлашимиз керак.
Аброр Деҳқонов тайёрлади
| 
