15 июль куни Ўзбекистон ўсмирлар терма жамоаси аъолраини тақдирлаш ва мукофотлаш тадбири Ўзбекистон футбол федерацияси биносида бошланади.

Соат 15:00да мураббийлар ва футболчилар ЎФФ биноси олдидаги сунъий қопламали майдон устига териб қўйилган ўз автомобиллари ёнида эсдалик учун суратга тушадилар. Шундан сўнг, оммавий ахборот воситалари ходимлари жамоа аъзоларидан интервью олишлари мумкин бўлади. Соат 17:00да барча Олимпия шон-шуҳрати музейига ташриф буюради. Аввалига, Ўзбекистон Республикаси Президентининг фармойиши ўқиб эшиттирилади ва шундан кейин Ўзбекистон Республикаси Бош вазирининг ўринбосари Абдулла Арипов ҳамда Ўзбекистон Футбол Федерацияси Президенти Мираброр Усмонов Мексикадаги Жаҳон чемпионатида Ўзбекистон ўсмирлар терма жамоаси делегациясидан жой олган 29 кишига "Ўзбекистон Республикаси мустақиллигига 20 йил” эсдалик нишонини тақдим этади. Тадбирнинг якуний қисми эса, соат 18:00да "Наврўз” ресторанида бўлиб ўтади. Зиёфат маросими чоғида терма жамоа аъзоларига ваъда қилинган автомашиналар калитлари тантанали равишда топширилади.