"Бавария" клубининг директорлар кенгаши раиси ва Европа
клублари ассоциацияси (ECA) президенти Карл-Хайнц Румменигге 2014 йилга келиб,
Европанинг гранд жамоалари ФИФА ва УЕФА тасарруфидан чиқиб кетишлари мумкин
эканлигини айтиб ўтди. Бунга сабаб юқоридаги икки ташкилотнинг сиёсатидан
норозилик экан.
"Футбол амалдорларига яқин бўлган "Бавария"
раҳбариятининг айтганлари кўп нарсани англатади. Биз чидаб бўлмас чегара
олдидан турибмиз. Европа клублари УЕФА билан ўзаро ҳамжиҳатлик меморандумини
имзолашганди. Келишув 2014 йилда ўз ниҳоясига етади. Кейин эса, биз ФИФА ва
УЕФАдан чиқиб кетишимиз мумкин. Ҳеч ким бизни бу ташкилотлар тасарруфи остида
мусобақаларга қатнашишга мажбурлай олмайди", - дейди The Guardian газетаси
Румменигге сўзларидан парча келтириб.
ЕСA ташкилотининг 197 та клублари орасида камида тўққизта клуби алоҳида
Лига ташкил этиб, футбол ўйнаш тарафдори бўлиб туришибди.
Булар: "Реал", "Милан", "Манчестер
Юнайтед", "Челси", "Арсенал", "Ливерпуль",
"Барселона", "Интер" ва "Бавария" жамоаларидир. Манба: www.championat.com
|