| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Июль » 22 » Баҳодир Насимов: «Янги услубни ўзлаштириб олишга ҳаракат қиляпман»
08:08 Баҳодир Насимов: «Янги услубни ўзлаштириб олишга ҳаракат қиляпман» |
Узоқ танаффусдан сўнг, Баҳодир Насимов яна Ўзбекистон миллий терма жамоаси сафида машғулот ўтказди. Бу ҳақда сайтимизда хабар бериб ўтдик. Шу фурсатдан фойдаланиб, машғулотлар якунига етгач, Баҳодир билан "Чемпионат.уз” учун суҳбатлашдик.
"НЕФТЧИ" ВА ЕЧЛ ҲАҚИДА
- Баҳодир сизни яна Ўзбекистон миллий терма жамоаси машғулотларида кўриб турганимиздан хурсандмиз.
- Рахмат!
- Келинг, энди мухлислар учун, биз томонимиздан йиғилиб қолган саволларга ўтсам. Жамонгиз муваффақиятсизликка учраган бўлсада, EЧЛ саралаш учрашувида майдонга тушиш бахтига сазовор бўлдингиз...
- Ҳа, тўғри айтасиз. Бу жуда ҳам нуфузли мусобақа. Афсуски икки ўйин натижасига кўра биз кейинги босқичга чиқа олмадик. Загребда бўлиб ўтган учрашувда 3та тўп фарқи билан мағлубиятга учрашимиз, охир оқибат бизга қимматга тушди. Уйимизда эса "Динамо” дарвозасини ишғол қила олмадик. Аслида биринчи ўйинда Мпензада гол уриш учун имконият бўлганди. Аммо, нафақат у, балки бошқа жамоадошларим ҳам гол ура олмадилар.
- Бу ўйинга "Нефтчи” бошқача рухда тайёргарлик олиб борган бўлса керак, ҳар холда турнир Eвропанинг биринчи рақамли мусобақаси?
- Албатта. Уч йил олдин бу жамоа "Хазар”га қарши баҳс олиб борган экан. Шунинг учун "Хазар” жамоасидан бу борада маслаҳат олдик. Ўйинга ҳам жиддий ҳозирлик кўрдик. Боиси кейинги босқичга фақат ғолиб жамоагина йўл оларди. Буни яхши англаб етгандик, лекин "Динамо” кучлироқ ўйнади ва кейинги босқичга йўл олди.
- "Нефтчи” сафида дебютингиз омадли чиққанди. Биринчи даврани тўпурар сифатида якунига етказдингиз, кейин эса жароҳатлар сизга панд бера бошлади. Гол урмай қўйганингиздан сўнг мураббийлар сиз билан бошқача муносабатда бўлмадиларми? Ҳар холда легионер футболчи маҳаллий ўйинчидан доимо бир калла устун туриши керак...
- Тўғри айтасиз. Аммо улар вазиятни тўғри баҳолашди. Жароҳатимни даволашим керак эди ва бунга имконият беришди. Гол урмай қўйганимга келсак, бу борада жамоа раҳбарлари мен билан гаплашмадилар. Гол ура олмаган бўлсамда, жамоамнинг ғалабаларига ўз улушимни қўша олдим. Бир неча голли паслар ҳам оширдим.
- Мпензачи? Белгиялик машҳур футболчи на биринчи даврада, на иккинчисида сиз каби сермаҳсул ўйин намойиш этди? Наҳот янги мавсум олдидан жамоа уни ўз таркибида ушлаб қолса? "Нефтчи”ни бошқа бир кучлироқ ўйинчини жалб этиш режаси йўқми?
- Бу борада бирон нарса дея олмайман. Лекин шуни айтишим мумкинки, Мпензани жамоамиз билан уч йилга мўлжалланган шартномаси бор. Шунинг учун ҳам, у янги мавсумда ҳам жамоада қоладиган кўринади. Жамоа кучайиши мумкинми? Ҳа, албатта. 31 августга қадар трансфер ойнаси очиқ ва бу орада жамоамиз бошқа легионерларни ҳам синовдан ўтказиши мумкин.
- Балки, иккинчи даврада гол урмай қўйганингизга рақиб ҳимоячилари сизни яхшилаб ўрганиб олганликларидадир?
- Ҳақиқатдан ҳам иккинчи даврада бироз қийин бўлди. Ҳар бир жамоа менга қарши ўйинда биттадан ҳимоячини бириктириб қўя бошлади. Бу эса ҳужумчи учун етарлича муаммо туғдириши аниқ.
ЎЗБЕКИСТОН ТЕРМА ЖАМОАСИ ВА ЖАРОҲАТЛАР
- Келинг энди мавзуни терма жамоага бурсак. Сўнгги маротаба терма жамоамиз билан БААда машғулотда қатнашдингиз ва шундан сўнг жароҳатингиз туфайли ортга қайтишга мажбур бўлдингиз. Жароҳат туфайли клубингизга кетиб, у ерда ўйнашда давом этардингиз бу ҳаммамиз учун қизиқ?
- Ҳақиқатдан ҳам БААдаги машғулотларда жароҳат олиб ортга қайтдим. 1 ой давомида жароҳатимни даволашга мажбур бўлдим. Мен Ўзбекистон терма жамоасининг чақирувига ҳар доим "лаббай” деб жавоб беришга шайман. Жароҳатим туфайли терма жамоани тарк этганимдан сўнг, бокуликлар "Хазар” билан бўлиб ўтадиган ўйинда майдонга тушишим кераклиги, бу жамоа учун жуда мухумлигини айтишди. Шунинг учун оғриқ қолдирувчи уколлардан фойдаланган ҳолда ўйинга тушдим, бу эса менинг зараримга ишлади. Боиси, даволанмай туриб майдонга чиққанлигим учун яна бир неча хафта ўйиндан ташқари ҳолатда қолишга мажбур бўлдим. Айримлар, терма жамоага чақирилмай қўйганимга, Абрамов билан муносабатимиз яхши эмас деган фикрни билдирибдилар. Аслида эса ундай эмас. Вадим Карленович мени 2007 йили ҳам Ўзбекистон олимпия терма жамоасига чақирган ва мени бу мутаҳассис билан муносабатим жуда яхши. Мен Ўзбекистонда туғилдим, демак бу юрт учун хизмат қилишим керак.
- Одил Аҳмедовни инобатга олмаганда, бугун Ўзбекистон терма жамоасининг энг кучли таркиби жам бўлган. Ҳужум чизиғинику айтмаса ҳам бўлади. Тинмай гол уриб турган Бақоев, "Алания”нинг энг яхши ўйинчиси Бикмаев ва терма жамоа етакчиси Гейнрих. Терма жамоа ихтиёрига кеча етиб келганингиз ва бугун якка тартибда машғулот ўтказганлигингизни инобатга олиб, асосий таркибдан жой ола биламан деб ўйлайсизми?
- Кеча Тошкентга учиб келдим. Эртага умумий таркибда машғулот олиб бораман. Асосий таркибга ким, кириш кирмаслигини ўйин куни бош мураббийимиз ҳал қилади. Ўзимга келсак, мен ўйнашга тайёрман.
- Биринчи учрашувда майдонга туша олмасангиз, ҳафа бўлишга ҳожат бўлмайди менимча. Чунки олдинда жавоб ўйини бор…
- Бундан ҳам кўра мухумроғи, жамоамизнинг ғалабаси. Кейинги босқич масаласини ҳал қилган ҳолда, жаҳон чемпионати йўлланмасини қўлга киритиш.
- Ўзбекистон терма жамоасининг янги ўйин услубига мослашиб кета олармикансиз? "Нефтчи”да қандай тактика остида ҳаракатланасизлар?
- Ўзбекистон "Барселона” услубидан андоза олган ҳолда тўп тепяпти. "Нефтчи”да эса умуман бошқача тактикада, баъзан бир ҳужумчи билан ҳаракат қиламиз. Машғулотлар давомида янги услубни ўзлаштириб олишга ҳаракат қиляпман.
Нодирхўжа Юлдашев суҳбатлашди
|
|
Просмотров: 448 |
Добавил: 11x11
| Рейтинг: 0.0/0 |
| |
 | |  |
|
