| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Сентябрь » 6 » Вадим Абрамов: Натижа ҳаққоний бўлди
20:59 Вадим Абрамов: Натижа ҳаққоний бўлди |
Ўйиндан кейинги матбуот анжуманига ташриф буюрган Ўзбекистон терма жамоаси бош мураббийи Вадим Абрамов натижа адолатли бўлганини таъкидлади.
- Ўйин қизиқарли бўлди. Бир томондан натижадан қониқмадим. Иккинчидан эса вазиятларга қарайдиган бўлсак, натижа адолатдан бўлди. Гол уриш учун бизда ҳам, рақибларда ҳам имкониятлар етарли бўлди.
- Бизнингча ўйин қанотлар орқали ташкил қилинганданда яхшироқ бўларди. Чунки, марказ орқали ҳужумларимиз унчалик муваффақиятли бўлмади.
- Ҳозирча бир нарса дейиш қийин. Гол қанот орқали ҳужумдан кейин киритилди. Бундай таркибни туширишдан мақсад тўпни кўпроқ ўзимизда ушлашни ният қилгандим. Қаерда хато қилганимизни ўйин видеоёзувини кўриб чиққанимдан кейин айтишим мумкин.
- Нима учун Максим Шацкихни бошланғич таркибда туширмадингиз. У балки кўпроқ фойда келтирган бўлармиди?
- Балки сиз ҳақдирсиз...
- Нима учун бугун ёш ва тезкор жамоага қарши ўзимизнинг ёши ўтиб қолган футболчилар, масалан, Карпенко, Максим Шацких ўрнига Санжар Турсунов ва Баҳодир Насимовни туширсангиз бўлмасмиди?
- Футбочлиларнинг имкониятларини мен яхши биламан. Уйда ўйнаётганимизда масъулият катта бўлади. Ёш футболчиларда эса ишқибозлар олдида яхши ўйнаб кета олмайди. Улар битта хато қилганидан кейин ўзини йўқотиб қўяди. Такрорлайман, мен кўпроқ тўпни назорат қилиш учун тажрибали футбочлиларни майдонга туширгандим. Тажрибали футболчилар хато қилишади, аммо бугун ёшларни туширганимда
- Ўйиндан кейин кайфиятингиз қанақа? Нималарни ҳис қиляпсиз?
- Ғалаба қозонишимиз мумкин бўлган вазиятда буни уддалай олмаганимиздан ҳафсалим пир бўлди. Масъулият катта. Реал олиб қараганда, Япония билан ўйин ҳам ёмон эмас. Лекин японларни ютиш учун яхши имконият пайдо бўлганди. Энди бу ишни жавоб ўйинида қилишга ҳаракат қилиб кўрамиз. Япониядаги ўйинда осонроқ бўлади, деб ўйлайман.
- Япония терма жамоасининг ҳужумлари юқоридан ташкиллаштирилганини инобатга олиб Анзур Исмоиловни эртароқ майдонга туширишнинг иложи йўқмиди?
- Гол киритганимиздан кейин биз иккинчи рақам остида тўп суришимиз керак бўларди. Бундай пайтда эса Анзур тўпни кўпроқ назорат остида ушлаб тура олмасди. Биринчи тўпларни қайтаришда ҳам унда камчиликлар бор эди. Шу боисдан ҳам уни майдонга кечроқ туширгандик.
- Кейинги йиғинларда терма жамоа тўлиқ таркиб билан кўришимиз мумкинми? Кўп ҳолларда клубларнинг илтимосига кўра, футболчилар терма жамоага етиб кела олишмаяпти.
- Бу вазиятга тушуниш билан ёндашиш керак. Масалан Насимов 2та ўйинда майдонга туша олмади. Россия биринчи лигасида ўйинлар бўляпти ҳозирги вақтда. Шунинг учун баъзан етакчи футболчиларимизни ортиқча безовта қилвермасдан, ёшларга ҳам ўйнаш имкониятини беришга ҳаракат қиламиз
- Улуғбек Бақоевнинг ўрнига Санжар Турсунов тушиб, ҳужумдаги футболчиларимиз сони биттага қисқарганидан кейин ҳужумларимиздаги ўткирлик йўқолгандек бўлди.
- Японлар чап қанотдан кўпроқ ҳужум уюштира бошлашгани учун ўзимизнинг ўнг қанотимизни кучайтириш мақсадида Санжар Турсуновни туширдик.
Манба: www.uff.uz
|
|
Категория: Жаҳон футболи |
Просмотров: 496 |
Добавил: 11x11
| Рейтинг: 0.0/0 |
| |
 | |  |
|
