14-тур.

30 июль

«НЕФТЧИ» – «НАВБАҲОР» – 1:1 (1:1)

Фарғона. 13350 томошабин.

Ҳакамлар: В. Цейтлин (Тошкент), Р. Ильясов (Тошкент), А. Букатин (Тошкент),                 Т. Тўхтасинов  (Андижон)

Голлар: Султонов (29) –  Ҳолиқов (12, пен.).

 «НЕФТЧИ»: Чилматов, Нурбоев, Ёқубов, Саидов (Шодиев, 81), Алижонов (Акрамов, 46), Смоляченко, Эрматов, Мирзаев, Ҳолиқов (Ҳакимов, 69), Тўхтахўжаев, Муҳиддинов.

 «НАВБАҲОР»: Романенко, Тоиров, Қурбонбоев (Низомбоев, 59), Меҳмонов, Султонов (Валижонов, 34), Маҳмудов, Султонов, Почуев, Бойдадаев (Абдуллаев, 69), Аҳмедов, Бобоев.

Огоҳлантиришлар: Бойдадаев (12), Ёқубов (12), Смоляченко (16), Султонов (19), Бобоев (26), Султонов (65), Романенко (73), Саидов (73).

Назоратчи: Б. Галеев  (Урганч).

Учрашувнинг энг яхши ўйинчилари: М. Саидов – А. Султонов.

Биринчи давранинг сўнгги турида «Нефтчи” сафардан ишончли ғалаба билан қайтгач, кўпчилик мазкур баҳсда ҳам Саркисян шогирдларининг уч очкони қўлга киритишига шубҳа қилмаганди. Бироқ, шанба куни Фарғона марказий стадионида дуранг натижа қайт этилди.

Одатдагидек, учрашувни мезбонлар шиддатли ҳужумлар билан бошлашди. Бунинг натижасида 12-дақиқадаёқ ҳисоб очилди. Меҳмонлар ҳимоячиси Илҳом Бойдадаев ўз жарима майдони ичида рақибига нисбатан қўполик ишлатди. Вазиятга яқин турган бош ҳакам пенальти белгиланди. Тўп олдига яқинлашган Алишер Ҳолиқов дарвозани аниқ нишонга олди – 1:0.

29-дақиқага келиб энди биринчи голда айбдор бўлиб қолган Илҳом Бойдадаев ўз хатосини "ювди”. Айнан унинг тўп оширишидан кейин Абдулазиз Султонов ҳисобдаги фарқни йўққа чиқарди – 1:1. 

Иккинчи бўлимда ҳам жамоалар бир қатор имкониятларга эга бўлишди. Бироқ гол киритишга келганда, иккала жамоа вакиллари ҳам ноаниқ ҳаракат қилишди. Натижада "водий дербиси”да ўйинга мос дуранг натижа қайд этилди.

Шоирбек шарҳи