Бугун халқаро ФИФА ташкилоти терма жамоаларнинг рейтингини эълон қилди.
Энди, Бразилияда ўтадиган Жаҳон чемпионати учун саралаш босқичларига қуръа ташлаш айнан бугунги кўрсаткичларга қараб белгиланади. Жамоалар ўз рақибларини шанба куни Рио-де-Жанейрода бўлиб ўтадиган қуръа ташлаш маросимида билиб олишади.
Унгача эса, пайшанба куни Осиё минтақасида иккинчи саралаш босқичи ўйинларининг жавоб учрашувлари бўлиб ўтади. Агар биринчи ўйиндаги натижаларга қараб, уйда ғалаба қозонган жамоани кейинги босқичга чиқади, деб фараз қилсак, қуйидаги саватчаларга дуч келамиз.
1-саватча: Япония, Австралия, Жанубий Корея, Эрон, Хитой
2-саватча: ЎЗБЕКИСТОН, Қатар, Иордания, Саудия Арабистони, Қувайт
3-саватча: Баҳрайн, Сурия, Уммон, Ироқ, БАА
4-саватча: Шимолий Корея, Таиланд, Сингапур, Индонезия (ёки Туркманистон, биринчи ўйин – 1:1, Ашхабодда), Ливан
Эслатиб ўтамиз, 15 та иккинчи саралаш босқичидан ўтган термалар бешта рейтинги юқори бўлган (Япония, Жанубий Корея, Австралия, Шимолий Корея, Баҳрайн) жамоаларга қўшилиб, тўрттадан бешта гуруҳни ташкил қилишади. Бу учинчи саралаш босқичи ҳисобланади.
Ўйинлар 2011 йилнинг 2 сентябрь кунидан бошлаб, 2012 йилнинг 29 февралигача давом этади. Ундан кейин эса, гуруҳнинг энг кучли икки жамоаси баҳсларни давом эттиради.
Манба: www.the-afc.com
|
