Россия терма жамоаси бош мураббийи Дик Адвокат Евро-2012 саралаш баҳслари доирасидаги Словакия ва Андорра терма жамоаларига қарши кечадиган ўйинларда майдонга тушиши мумкин бўлган футболчилар рўйхатини эълон қилди. Голландиялик мутахассис танлаган таркибдан бу сафар "Динамо” ярим ҳимоячиси Александр Самедов ҳам жой олди. РФИ расмий сайтининг маълум қилишича, терма жамоага 20 нафар футболчи жалб этилган.

Дарвозабонлар: Вячеслав Малафеев («Зенит» Санкт-Петербург), Антон Шунин («Динамо»).

Ҳимоячилар: Александр Анюков («Зенит»), Алексей Березуцкий, Василий Березуцкий, Сергей Игнашевич (барчаси – ЦСКА), Юрий Жирков («Анжи»), Роман Шишкин («Локомотив» Москва).

Ярим ҳимоячилар: Динияр Билялетдинов («Эвертон»), Денис Глушаков («Локомотив»), Игорь Денисов, Константин Зирянов, Роман Широков (барчаси – «Зенит»), Алан Загоев (ЦСКА), Александр Самедов, Игорь Семшов (иккаласи – «Динамо»).

Ҳужумчилар: Андрей Аршавин («Арсенал»), Александр Кержаков («Зенит»), Роман Павлюченко («Тоттенхэм»), Павел Погребняк («Штутгарт»).