Испаниянинг ярим ҳимоячи Гути "Бешиктош” клубини тарк этди. Ligtv.com.tr. сайтининг хабар беришича, икки томон келишувига кўра, шартнома бекор қилинган.

Бундай қарога келишга сабаб, футболчи тартиб интизомни бузган. Яқинда Гути ҳеч кимнинг рухсатисиз Испанияга учиб кетган ва машғулотларни ўтказиб юборган.

Бундан ташқари, испаниялик футболчи битимни бекор қилгани учун 1,5 млн. евро миқдорида жарима тўлайди.

Шуни таъкидлаш жоизки, "Реал”нинг собиқ футболчиси 2010 йилда Истамбулга кўчиб ўтганди.