Охирги 18 ой ичида премьер лига ҳимоячилари "Манчестер Юнайтед”нинг гол урувчи машинаси Хавьер Эрнандес (Чичирито)ни тўхтатиб қолиш чораларини топа олишмаяпти. Inside Unied мухбири эса тиниб-тинчимас ҳужумчини топиб, унинг "қиммат”ли вақтини ўғирлади.  Суҳбат давомида мексикалик футболчи «Олд Траффорд»даги  дастлабки кунлари ва ҳаётидаги айрим қизиқарли ҳодисалар хусусида гапириб берди.

- Маълумотларга кўра, бундан бир неча йил олдин футболчилик  фаолиятингизни якунламоқчи бўлган экансиз? Шу гаплар ростми?

- Буларнинг барчаси ҳақиқат. Бундан уч йил олдин фаолиятимни якунлашга қарор қилгандим.  Кўпроқ захирада қолиб кетаётганим хафсаламани пир қилиб юборганди. Шунинг учун бутсамни михга илишни афзал билгандим. Бироқ, оиламдагиларнинг барчаси бунга қарши чиқишди. Энди эса омадли футболчи эканлигимдан хурсандман.  Менга сабр – бардошни ўргатган ота-онамга ҳам миннадорчилик изҳор этмоқчиман. Умуман олганда, ушбу воеқа менга кўп нарсани ўргатди.

- Лотин Америкасида ҳамма "Реал” ва "Барселона”га мухлислик қилади, деган гаплар ҳам йўқ эмас. Мексикада "Манчестер Юнайтед”га қандай муносабат билдиришади?

- Шуни биламанки, мен «Олд Траффорд» га кўчиб ўтганимдан кейин ушбу клубнинг мухлислар сони Мексикада кескин ошди (кулади). Ўз навбатида мексикалик ишқибозлар мени қўллаб – қувватлаётгани учун уларга раҳмат айтмоқчиман.

Шу ўринда таъкидлаш лозимки, дунёнинг исталган бурчагида "Манчестер Юнайтед” ҳақида гапирсангиз сизни тушунишади. Мен бунга шубҳа қилмайман. Эштишимча, "МЮ”нинг бутун дунё бўйлаб 330 миллионга яқин мухлиси бор экан.

- Манчестер шаҳрига келган кунингиз «Олд Траффорд» стадионида "Бавария”га қарши ўйин бўлганди. Ўшанда нимани ҳис этгансиз, стадион ва мухлислар сизда қандай таассурот қолдирган?

- Буни бир сўз билан ифодалаб бўлмайди. Трибуналардаги муҳит ажойиб эди. Ўйиннинг ўзи ҳам жуда муҳим саналарди. «Олд Траффорд» - яъни, "Орзулар театри”да ўтирганимга ишонгим келмасди. Бунгача "МЮ”нинг ўйинларини фақат телевизор орқали томоша қилардим, холос. Шундай буюк кулбга ўтганимдан фахрланардим.

- Чемпионлар лигаси финалидан кейин кайфиятингиз бузилганди. Буни фаолиятингиздаги энг омадсиз ўйин деб аташ мумкинми?

- Унчалик эмас. Негаки, дунёдаги исталган футболчидан Чемпионлар лигаси финалида ўйнашни истайсанми деб сурасангиз, уларнинг барчасида бир хил – "ҳа” деган жавобни оласиз. "Уэмбли”даги финал менга сабоқ бўлди. Фаолиятимда омадсиз ўйинлар жуда кўп бўлган.

- Премьр лига ҳимоячилар тўғрисида нималар дея оласиз?

- Тан оламан, улар Мексика терма жамоасидаги ҳимоячилардан тубдан фарқ қилишади. Бу ердаги футбол умуман бошқача. Менинг фикримча, ўйинчи қаерга бормасин ўша ернинг муҳитига мослашиши лозим.

Премьер лига тезкорликни талаб этади. Бу ерда жисмоний тайёргарлик юқори даражада бўлиши даркор. Ҳар дақиқада жароҳат олишингиз мумкин. Бундан ташқари, бу ердаги ҳимоячилари ўта қўпол ўйнашади. Ростини айтсам, Англияда менга бирорта осон ўйин бўлгани йўқ.

- Одамлар сизни "Қизил иблислар”нинг афсонавий футболчиси Оле Гуннар Сульшга ўхшатишмоқда. "Олд Траффорд”га тушган пайтингизда бу ҳақида эшитдингизми?

- Албатта. Сульшер фантастик ўйинчи бўлган. Энди саволингизнинг биринчи қисмига келсак, мен ҳали Оле Гуннар эришган натижаларнинг 10 фоизига ҳам эриша олганим йўқ. Менга ишонмасангиз MUTV ёқинг ва архивдаги хоҳлаган ўйинни олиб кўзатинг бунга ўзингиз гувоқ бўласиз. Ростини айтсам, бундай сўзларни эшитиш мароқли. Фикримча, ҳар бир футболчининг ўз йўналиши бор ва улар бир-бирига жуда ўхшайди.

- Ростини айтинг, «Юнайтед»даги ҳаётдан кўнглингиз тўляптими?

- Бўлмасам-чи. Ҳануз атрофимда дунё юлдузлари жам бўлганига ишонгим келмайди. Мен худди туш кўраётгандекман. Назаримда, ҳозир ўйғониб кетаману, ҳаммаси ортда қоландек бўлади. Менга шундай ажойиб онларни тақдим этгани учун тақдирдан миннатдорман.

- Охирги пайтларда кўп вақтинг машғулот ва ўйинлар учун кетмоқда. Дам олишга эса деярли фурсат бўлмаяпти. Сизга бундай ҳаёт тарзи маъқул келяптими?

- Нима десам экан. Севимли ишини давом эттираётган инсон ҳеч қачон ундан зерикмайди. Ҳамма нарсанинг ўз мавриди бор. Дам олиш қочиб кетмайди.

- Гоҳида иссиқ мамлакатларда келган футболчилар Англия иқлимига мослаша олишмай қийналишади. Манчестерда иккинчи қишни ўтказишга тайёрмисиз?

- Бунга шубҳа қилмасангиз ҳам бўлаверади. Мен одатда иқлим танламайман. Боз устига бу ерда битта қишни ўтказиб олдим. Жуда совуқ бўлганди. Яширмайман, бошида бироқ оғир бўлди. Бироқ, кейинчалик бунга куникиб кетдим.

- Жамоа ўтган мавсумда 19 – марта чемпионликни қўлга киритиб, ўзига хос рекорд натижа қайд этди. Бу йилги мавсумда ғам "Манчестер Юнайтед” олтин медални олишга қодирми?

- Яна чемпион бўлишга ишонамиз. Ҳозир жамоамиз сафи анча ёшарган. Ҳар бир футболчида шоҳсупага кўтарилишга бўлган иштиёқи кучли. Тажрибали ўйинчилар ҳам мукофтоларга ташна. Айнан мана шу мутаносиблик жамоага ёрдам бермоқда.