| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Ноябрь » 20 » Санжар Асқаралиев: «31 декабрдан кейин эркин агентга айланаман»
16:47 Санжар Асқаралиев: «31 декабрдан кейин эркин агентга айланаман» |
«Навбаҳор» 20-миллий чемпионатни икки хил кўринишда ўтказди десак ҳеч ким қаршилик билдирмайди. Биринчи даврадан сўнг аутсайдерлар қаторида эътироф этилаётган ажмоа иккинчи даврада муваффақиятли ўйинлар кўрсатиши натижасида мавсумни 6-ўринда якунладилар. Албатта бу борада биринчи даврадан сўнг клубда амалга оширилган ўзига хос ислоҳотлар туртки бўлди дейиш мумкин. Мураббийлик лавозимига Усмон Асқаралиевнинг келиши ва «Нефтчи»дан унинг фарзанди Санжар Асқаралиевнинг яна собиқ жамоасига қайтиши мухлисларга кўтаринкилик бағишлади. Шунинг учун ҳам наманганликлар қийин вазиятдан осонлик билан чиқиб кетдилар ва ишқибозларини ёрқин ўйинлари билан қувонтира олдилар. Шунинг учун куни-кеча ғалабаларга ўзининг муносиб улушини қўшган Санжар Асқаралиевни суҳбатга тортдик.
- Санжар, иккинчи даврада «Навбаҳор»га қўшилгач жамоага катта ёрдам бердингиз ва бунинг натижасида жамоа фахрли 6-ўрин билан мавсумни якунлади. Шундан келиб чиқиб айтадиган бўлсак, айни пайтда кайфиятингизни яхши десак бўладими?
- Ҳар холда ёмон эмас. Чиндан ҳам биринчи даврадан кейин «Навбаҳор»нинг аҳволига ҳавас қилиб бўлмасди. Чунки жамоа олий лигадан тушиб кетиш учун асосий номзодлар қаторига кириб қолганди. Иккинчи даврада бу ерга келиб қўлимиздан келганича ёрдам бердик. Ўйлайманки, мавсумни ёмон натижа билан тугатмадик. Боз утсига бу ерда дадам ҳам ишлаётганди, шу боис қўшимча икки ҳисса куч билан ишлашимга тўғри келди.
- Демак, вазифа бажарилгач, сизда ҳотиржамлик мавжуд тўғрими?
- Ҳа, 5 ноябрдан кейин футбол ҳақида ўйламасдан фақат дам оляпман. Фақатгина энди-энди сунъий майдонга чиқиб ўзим учун мириқиб югуряпман.
- «Навбаҳор»га табиийки муваффақиятли иштирок этишни мақсад қилиб ўтгансиз. Чемпионат тугаганидан сўнг ҳаммаси чиндан ҳам муваффақиятли бўлди деб ўйлаяпсизми?
- Бу ерга ўтаётганимда ҳаммаси 50х50 эди. Чунки боя айтганимдек, биз олий лигадан тушиб кетиш учун номзод эдик. Агар Худо кўрсатмасин, лигадан тушиб кетганимизда ҳамма отаси билан ўғли келиб шундай бўлди деб шаънимиўга ёмон гапларни айтишарди. Аммо хурсанд қиладиган тарафи шундаки, олий лигада қолиш у ёқда турсин, ҳаттоки 5-4- ўринга ҳам имкониятимиз пайдо бўлганди. Худога шукурки, мавсумни ҳар холда яхши ўтказа олдик.
- Ростдан «Навбаҳор»нинг биринчи даврадаги иштирокидан кейин мавсумни 6-ўринда якунлашини ҳеч ким кутмаган бўлиши табиий. Бу ҳол сизлар учун ҳам кутилмаган ҳолат бўлиб кўринмадими?
- Мен наманганликлар сафига Дукентдаги йиғинда қўшилдим. Ўша ерда кунига икки мартадан машғулот ўтказардик. Ўша пайтда шунча югуряпмиз, ҳаракат қиляпмиз шунга яраша фойдаси бўлармикин деган ҳаёлга боргандим. Бизга айтишгандики, агар иккинчи даврадаги бешта ўйинни ўз майдонимизда ютсак жамоа олий лигада қолади! Ахир бу нима деган гап! Лекин биз машғулотлар самараси ўлароқ ўз кучимизга ишондик. Олдин жамоада гуруҳбозлик мавжуд эди. Бу борада мураббийларнинг ҳиссаси катта бўлди.
- Кўпчилик жамоа таркибида сизнинг энг яхши ўйинчи сифатида тилга олишмоқда. Бу борада кимларни алоҳида айтган бўлардингиз?
- Ўзимни энг яхши деб ўйламайман. Мен учун 3-4 нафар ана шундай футболчилар бор. Масалан, дарвозабонимиз Денис Романенко бир нечта қийин вазиятларда жамоамизни қутқариб қолди. Иккинчи даврада Абдумажид Тоировнинг ўйинини кўриб ҳайрон қолдим. Тўғриси, 37-38 ёшда тез югуриб, фаол ўйин кўрсатишини кўриб ҳавасим келди. Алишер Маҳмудов эса стандарт вазиятлардан усталик билан фойдалана олади ва бу орқали жамоамизга фойда келтирди. Шунингдек, Рўзим Аҳмедов, Александр Шадрин, Абдулазиз Султонов сингари ўйинчилар ҳам ўзларини кўрсата олдилар. Умуман, муваффақиятда барча жамоадошларимнинг ҳиссалари бор.
- Айтингчи, «Навбаҳор»нинг муваффақиятлги ўйин кўрсатишига биринчи навбатда қайси ўйин жиддий туртки берди деб ўйлайсиз?
- Тўғриси, биринчи даврадан кейин кўпчилик иккинчи даврада нима бўлади, қандай натижа кўрсатилади, бу борада шубҳа қилишаётганди. Лекин иккинчи давранинг илк ўйинида «Нефтчи»га қарши беллашувдан аввал ҳамма бир тан-у, бир жон билан ўйнашга келишишди ва Фарғонада дуранг қайд этилгач, футболчиларнинг ўзларига бўлган ишончи пайдо бўлди. Шундан кейин яхши натижаларни кўрсатдик.
- Бизнингча, «Нефтчи»да кўрсатган ўйинингиздан кўра, «Навбаҳор»даги ярим йиллик фаолиятингиз бир мунча мазмунли ва фойдали чиққандек туюлмоқда. Бунга қандай қарайсиз?
- Фарғонада кўпинча қора ишни бажариб келганман. «Навбаҳор»га келиб асосан ҳужумчиларга яқинроқ жойда ўйнадим. «Нефтчи» ҳам қора ишни, ҳам ҳимоячиларга ёрдам беришни бажардим ва бунда мухлисларга унчалик кўринмаслиги мумкин.
- Иккинчи даврада кўрсатган ўйинингиздан кейин мухлислар янги мавсумда ҳам сизни яна «Навбаҳор» сафида кўришни исташмоқда. Бу саволга қандай жавоб берасиз?
- Нима бўлган тақдирда ҳам 31 декабрга қадар «Нефтчи» билан шартномам бор. Кейин мен эркин агент футболчига айланаман. Шундан сўнг бир қарорга келишим мумкин.
- Бу йил «Нефтчи» ҳамда «Навбаҳор» учун тўп сурдингиз. Бирм авсумни водийнинг иккита жамоасида ўтказиш сизга қандай туюлди?
- «Нефтчи»да етти йилдан ошиқ, саккиз йилга яқин вақт ўйнадим. Ўйлайманки, у ерда тўп суриб ёмон бўлганим йўқ. «Нефтчи» шунчаки оддий жамоа эмас. Аммо «Навбаҳор»га ўтиб сира ҳам афсусланмадим. Мен ўз она шаҳрим жамоасига қўлимдан келганича ёрдам бердим ва бундан хурсандман.
Шуҳратбек ЖЎРАЕВ суҳбатлашди.
|
|
Категория: Интервью |
Просмотров: 487 |
Добавил: 11x11
| Рейтинг: 0.0/0 |
| |
 | |  |
|
