Чоршанба куни ФИФА терма жамоаларнинг ноябрь ойидаги рейтингни эълон
қилди. Унга кўра, ЖЧ-2014 саралаш босқичидан мувафаққиятли ўтган Ўзбекистон
терма жамоаси уч поғона пастлади. Гарчи, ноябрь ойида бош жамоамиз иккита муҳим
ғалабани қўлга киритганига қарамай.
Рейинг жадвалини кўзатар эканмиз қизиқ ҳолатга дуч келдик. 11 ноябрь
куни Тошкентда терма жамоамиз ютқазган ва Жаҳон чемпионатидан маҳрум бўлган
КХДР терма жамоаси рейтингда 14 поғона кутарилган. Шунингдек, Зико
бошқарувидаги Ироқ ва Уммон терма жамоалари ҳам рейтингдаги ўрнини 10 поғонага
яхшилашган. Иордания эса биз каби жабр
кўрган. Яъни, бир поғона пастга тушган.
Осиё рейтингини бошқараётган Япония 17 ўриндан 19 га тушиб кетди. Худди
шундай ҳолат Австралияда ҳам кўзатилди. "Соккерузлар” ноябрь ойида 22 поғонага
жойлашишди. Жанубий Корея бир поғона,
Эрон эса уч поғона пастлаган.
Айни дамда Ўзбекистон Осиёнинг
олтинчи жамоаси бўлиб турибди.
Рейтингнинг юқори учлиги ҳамон ўзгармаган. Биринчи ўринда Испания,
иккинчида Голландия, учинчида Германия. Россия терма жамоаси ноябрь ойида бир
поғона кўтарилди. Руслар ҳозирда 12 ўринда боришмоқда.
|