| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Ноябрь » 30 » Виталий Денисов - энг яхши чап қанот ҳимоячиси?!
13:36 Виталий Денисов - энг яхши чап қанот ҳимоячиси?! |
Ўзбекистон миллий терма жамоаси ҳимоячиси Виталий Денисов Футбол24.ua сайти томонидан Украина чемпионатлари тарихидаги энг яхши чап қанот ҳимоячилари сафига киритилди. Сайт ижодкорлари чап қанотда ўзини кўрсатган 6 нафар ҳимоячини танлаб олишди ва овоз бериш учун уларни мухлислар ихтиёрига ҳавола қилишди.
Демак, танлаб олинган энг зўр чап қанот ҳимоячилари қуйидагилар:
Юрий Дмитрулин. 11 мавсум давомида Киевнинг "Динамо" клубида тўп сурган. Шундан сўнг бироз вақт "Таврия" ва "Шинник" шарафини ҳимоя қилган. Меҳнаткаш ва ҳужумга яхши қўшилади. Универсаллиги билан ажралиб турарди. Таянч ярим ҳимоясида ҳам ўйнаган.
Каха Каладзе. Украина чемпионатида тўлиқсиз 3 йилни ўтказган. Шундай бўлса-да, ўзидан ёрқин из қолдира олган. Юрий Дмитрулинни захирага ўтказган ҳолда "Динамо"нинг чап қанот ҳимоясида ҳаракат қилган.
Северин Ганцарчик. Украина клублари шарафини 7 йил давомида ҳимоя қилган. Энг яхши ўйинларини Харьковнинг "Металлист" клубида кўрсатган ва бир неча марта бронза медали қўлга киритган.
Разван Рац. "Шахтёр" таркибига Луческуга қадар қабул қилиниб, ҳамон "кончилар" сафида ўйнаб келаётган икки футболчининг бири. Донецкликлар сафида 300дан ортиқ расмий ўйинда майонга тушган.
Андрей Несмачный. Бутун фаолиятини битта жамоа - "Динамо" (Киев)да ўтказган. Деярли 10 йил давомида Украина терма жамоасининг асосий чап қанот ҳимоячиси сифатида ўйнади. Тезкорлиги ва ишончли ҳаракатлари билан ажралиб турарди.
Виталий Денисов. Энди 24 ёшга кирган бўлсада, худди 10 йилдан бери Украина чемпионатида ўйнаётгандек тасаввур уйғотади. У шунчаки "Днепр"га келлди ва ўзининг асосий таркибдаги ўрнини ҳеч кимга бериб қўймади. Днепропетровскликларни қайси мураббий (Протасов, Бессонов, Рамос) бошқаришидан қатъи назар у асосий таркиб ўйинчиси бўлиб қолаверди. Катта ҳажмдаги ишни амалга ошириши билан ажралиб туради. Чап қанотдаги яккакурашларда деярли ютқазмайди. Ҳужумга тез-тез қўшилиб туради. Ўзбекистон миллий терма сафида 32та ўйин ўтказиб, битта гол муаллифига айланган. "Днепр" билан Украина чемпионатидаги ўйинлари сони 110тага етди.
Манба: www.football24.ua
|
|
Категория: Ўзбек футболи |
Просмотров: 560 |
Добавил: 11x11
| Рейтинг: 0.0/0 |
| |
 | |  |
|
