Айни пайтда ОФК қароргоҳи ҳисобланган Куала-Лумпурда йил якунлари ва бошқа масалаларга бағишланган мажлислар бўлиб ўтмоқда.
Тошкентда бўлиб ўтган саралаш ўйинларида максимал натижа кўрсатган Дилшод Нуралиев бошқарувидаги ўсмирлар терма жамоамиз иштирокидаги Осиё чемпионати Эронда бўлиб ўтиши ҳақида хабар берган эдик. ОФКдаги иш услубига кўра, саралаш ўйинларида иштирок этиб қитъа чемпионатига йўлланмани қўлга киритган мамлакатнинг аризаси асосида мезбон мамлакат аниқланади. Мезбонлик қилиш учун ариза юборган мамлакатлар ичидан фақатгина Эрон қитъа чемпионати йўлланмасини қўлга киритганлиги боис, бугун Эрон ўсмирлар ўртасидаги Осиё чемпионати мезбони сифатида расман тасдиқланди.
|