Киевнинг "Динамо”  жамоаси учун еврокубоклар якунига етди.  Юрий Сёмин шогирдлари чоршанба куни ўз майдонларида "Маккаби” билан дуранг ўйнагач, киевликлар гуруҳда учинчи ўринни олишди ва плей-оффга чиқиш имкониятидан маҳрум бўлишди.  Учрашувдан кейин бир қатор журналистлар "Динамо”нинг етакчи футболчиларидан бири Александр Алиев билан суҳбатлашишди.

- Ўйиндан қандай таассурот қолди?  Тезкор гол киритилишига қарамай, "Динамо” ғалаба қозона олмади.

- Бундай бўлганидан афсусдаман. Бошқа томондан барчаси бизга боғлиқ эмасди. Шундай бўлса-да, уч очко олишга ҳаракат қилдик. Лекин омадимиз келмади. Биринчи бўлимда бир нечта вазиятлардан фойдалана олмаганимиз панд берди.

Танаффусдан кейин икки ўйинчимиз қизил карточка олди. Яхшиямки, ўйин дуранг билан интиҳо топди. 

- Ўйиндаги қайси ҳолат кўз олдингизга келяпти?

- Ҳозир голга айлантира олмаган ҳар битта вазиятни ёдга оляпман.  Ҳар бир ўйинда кўплаб қулай имкониятларни вужудга келтираётганимиз мени қувонтиряпти. Бугун ҳам рақиб дарвозасини ишғол этиш учун жуда кўп имконият бўлди. Лекин улардан самарали фойдалана олмадик. Афсуски, бу Украина чемпионати эмас.  Чемпионат баҳсларида бу ўйин орқали ғалаба қозониш мумкин. Европа лигасида эса бунинг иложи йўқ.

- Четлатишлар  хусусида нима дея оласиз?

- Биринчи ҳолатда ҳакам адолатли қарор қабул қилди. Ахир жамоадаошим охирги чорани қўллаганди.  Иккинчи қизил карточка борасида тушунарсиз ҳолат бўлди. Умуман олганда, Хачериди ҳар сафар ҳакам билан тортишади ва огоҳлантириларди. Бу гал эса уни майдондан четлатишди.

- Жамоадошингизни тартибга чақириш ҳам наф бермади?

-  Хачеридига минг ўқтирманг, барибир ўз билганидан қолмайди. У гапни умуман тушунмайди.  Афтидан, у "Динамо”да ўйнаяпман, менга ҳамма нарса мумкин, деган хаёлга борса керак.

-  Таътилга чемпионат пешқадами сифатида чиқиб кетдинларинг. Айнан мана шу нарса еврокубокларни этра тарк этишга сабаб бўлмадими?

- Фикрингизга қўшилмайман. Барча қатори биз ҳам Европа лигасидаги иштирокни давом эттиришни хоҳлагандик. Лекин барчасига ўзимиз айбдормиз.  Ўз майдонимизда "Сток Сити”ни мағлубиятга учрата олмадик. Ҳолбуки, жуда кўплаб вазиятларга эга бўлгандик. Бундан ташқари, "Бешиктош”га сафарда ютқазиб қўйганимиз ҳам панд берди.  Биз гуруҳдан чиқа олмадик.  Буни фожеа сифатида қабул қилиш ноўрин. Ҳали олдинда бизни Украина чемпионлиги учун кечадиган қизғин кураш кутиб турибди. Менимча, "Шахтёр” осонликча таслим бўлмайди. Негаки, Луческу шогирдлари ҳам еврокубокларда омадсизликка учради.

Ахир олтин медални қўлга киритгач, тўғридан-тўғри Чемпионлар лигаси гуруҳ босқичида ўйнаш имконияти бўлади.

- Ўйиндан кейин Олег Гусев мухлислардан баннер олди. Кези келганда, "Динамо” ишқибозларига нима деган бўлардингиз?

- Бизни ҳар доим қўллаб-қувватлаб келишаётгани учун фанатларимиздан миннадорман. Гарчи, ғалаба қозона олмасаак ҳам мухлислар стадионга ташриф буюришяпти. Чемпионат баҳсларида уларнинг "ёрдами” бизга қўшимча мадад беради.

- Лекин "Олимпиский” стадиони ҳар доим ҳам тўлиб-тошаётгани йўқ.

- Умид қиламанки, бу ёғида мухлислар ташрифи ортади.

- Айрим мухлислар жамоа бундай қўллаб-қувватлашга арзимайди, деган фикрларни билдиришди.

- Ростини айтсам, бундан сира хафа бўлмайман. Ахир ҳар ким ҳам ўз фикрини айтиш имкониятига эга. Тан оламан, баъзан мухлисларимиз кутган ўйинни намойиш эта олмаяпмиз. Шундай бўлса-да, ишқибозлар кўмаги биз учун муҳим.

- Таътилни қандай ўтказасиз?

- 16 декабрь куни Дубайга кетаман. Ойнинг 27 кунида Киевга қайтиб келаман, янги йилни  эса Буковелда кутиб оламан.

Манба: "Футбол Инфо” газетси