| Наш опрос |
| | |
 |
| Статистика |
|
Онлайн всего: 1 Гостей: 1 Пользователей: 0 | |
|
| Форма входа |
| | |
|
| Календарь |
| | |
|
| Архив записей |
| | |
|
|
 | |  |
| Главная » 2011 » Декабрь » 17 » Александр Аверьянов: Ўзбек футболи ривожланмоқда
09:26 Александр Аверьянов: Ўзбек футболи ривожланмоқда |
"Андижон" клубининг янги бош мураббийи Александр Аверьянов бугун тонгда Андижон шаҳрига етиб келди. Мутахассисни кутиб олиш учун "Бургутлар" фан-клуби, маҳаллий телевидение ва газета мухбирлари, кўплаб мухлислар аэропортда ҳозир бўлишди. Унга зарбоп тўн кийдирилди.
Ўзини кўтаринки кайфиятда кутиб олинганидан хурсанд бўлган Аверьянов ОАВ вакилларининг саволларига жавоб қайтарди.
"Андижон менга бегона жой эмас. Бу ерда менинг қариндошларим бор. Мураббийлик соҳасидаги илк профессионал фаолиятимни Андижонда бошлаганман. Бу ер доимо мени юрагимда қолган. Ёзда келганимда бу ердаги инсонлар мени унутишмаганини кўриб роса хурсанд бўлгандим. Мени кутиб олгани чиққан барча футбол мухлисларига ўз миннатдорчилигимни билдираман.
Ўтган мавсумда жамоа ёмон натижа кўрсатганидан хабарим бор. Бугун жамоа раҳбарияти билан гаплашаман. Шундагина жамоа билан ишлашга киришаман.
Охирги йилларда ўзбек футболи анча ўсди, деб айта оламан. Ўсмирлар терма жамоасининг Жаҳон чемпионатида кўрсатган ўйинлариёқ ўзбек футболи тўғри йўлда эканлигига исбот бўла олади. Бундан ташқари, асосий терма жамоанинг Осиё чемпионатида ва ЖЧ саралаш бахсларида кўрсатган ўйинлари хам қай даражада савияли бўлгани кўрсатиб турибди", дейди мураббий.
Жамоа бошлиғи Фозилжон Мирзаев эса жамоага шарт-шароитларни яратиб бераётгани учун вилоят ҳокими Аҳмаджон Тугилович Усмоновга миннатдорчилик билдирди. Кейинги мавсумда бу йилги хатоларни такрорламасдан жамоани юксак ўринлар учун курашишига ваъда берди.
Ўз ўрнида "Андижон" фан-клуби раиси Нодирбек Тўйчиев ҳам жамоага ва янги бош мураббийга омад тилади.
Бегали Азимов
|
|
Категория: Ўзбек футболи |
Просмотров: 547 |
Добавил: 11x11
| Рейтинг: 0.0/0 |
| |
 | |  |
|
