8 - 18 декабрь кунлари Японияда клублар ўртасидаги Жаҳон чемпионати ўйинлари бўлиб ўтади. Бу гал ҳам кичик мундиалда  саккиз жамоа иштирок этади. Ўйинлар иккита стадионда бўлиб ўтади. "Тойота” стадиони 45 000 томошабинга мўлжалланган. Бу стадионда дастлабки 5 та учрашув ўтказилади. Қолган ўйинлар аниқроғи ярим финалнинг битта, учинчи ўрин учун баҳс ва финал учрашувлари 72 327 томошабин сиғадиган "Йокогама Халқаро” стадионида бўлиб ўтиши кўзда тутилган.

Европа Чемпионлар лигасининг амалдаги ғолиби "Барселона” ва Жанубий Американинг биринчи рақамли жамоаси "Сантос” мусобақага  ярим финалдан қўшилишади. Осиёнинг 2011 йилдаги энг кучли жамоаси  - Ал Садд эса чорак финалдан курашга киришади. Хорхе Фосатти шогирдлари Африканинг тенгсиз жамоаси - Эсперанс СТ билан баҳс олиб боради. Айнан мана шу ўйин ғолиби "Сантос”га рақиблик қилади.

Кичик мундиал иштирокчилари:

Барселона (Испания)/(Европа),

Сантос (Бразилия)/(Жанубий Америка),

Монтеррей (Мексика)/(Шимолий Америка),

Ал Садд (Қатар)/(Осиё),

Эсперанс СТ (Тунис)/(Африка),

Окленд Сити (Янги Зеландия)/(Океания).

Касива  (Япония)/ Осиё)

Клублар ўртасидаги Жаҳон чемпионати тақвими:

Плей-офф учрашуви

8 декабрь Касива - Окленд Сити

Чорак финал

11 декабрь Эсперанс СТ - Ал Садд

11 декабрь Плей-офф ғолиби – Монтеррей

5-ўрин учун баҳс

14 декабрь Чорак финал мағлуби - Чорак финал мағлуби

Ярим финал

14 декабрь Эсперанс СТ/Ал Садд ғолиби - Сантос

15 декабрь Плей-офф ғолиби/Монтеррей ғолиби – Барселона

Учинчи ўрин учун баҳс

18 декабрь

Финал

18 декабрь

Аброр Деҳқонов тайёрлади