Болгария ва Руминия давлатлари биргаликда 2020 йилда бўлиб ўтадиган Европа чемпионатини қабул қилмоқчи. Бу ҳақда Болгария Футбол иттифоқи (БФИ) президенти Борислав Михайлов маълум қилди.

"Биз бу борада руминиялик ҳамкасбим билан суҳбатлашиб кўрдик. Бизда ҳали анча вақт бор. Агар ҳукумат ёрдам берса Евро 2020 нинг ярмини шу ерда, Болгарияда ўтказишимиз мумкин", - дейди Михайлов.

Янги стадионнинг қурилиши 2012 йилга мўлжалланган. Ушбу ўйингоҳ "Враждебна" аэропорти ёнида жойлашган бўлади. Бундан ташқари, Варна ва Бургасда ҳам янги ўйингоҳлар қурилиши режалаштирилган. Евро - 2020 ни қабул қилиши айнан мана шу стадионларнинг қанчалик тез битишига боғлиқ.