Навбатдаги "Эл Классико” якунига етди. Унда бизга чиройли ўйин намойиш этиб берган ҳар иккала жамоа футболчиларига раҳмат айтишимиз мумкин. Ҳар ҳолда бу галги тўқнашувда фақат футбол кўрдик…(сўнгги сониялардаги кичик тўқнашувни ҳисобга олмасак) Кейинги ўйинлар ҳам шундан кам бўлмаган ҳолда ўтишини истаб қоламиз.
Ўйиннинг ўзига келсак ҳисоб 20-сониядаёқ очилди! Виктор Вальдеснинг қўпол хатоси оқибатида Карим Бензема гол киритиди – 1:0. Учрашувнинг ярим соати ортда қолганида мувозанат тикланди. Мессининг тўп оширишидан сўнг Алексис Санчес Касильясни ожиз қолдирди. Дастлабки бўлим шу ҳисоб билан тугади.
Иккинчи бўлимнинг 53-дақиқасида Хавининг 25 метрлардан берган зарбаси Марселога тегиб ўз йўналишини ўзгартириб Касильяс қўриқлаётган дарвоза тўрига бориб тушди – 1:2. 66-дақиқада ўнг қанотдан Алвешнинг жарима майдони марказига оширган тўпини Фабрегас учинчи марта "Реал” дарвозасига киритди – 1:3. Қолган дақиқаларда ҳисоб ўзгармади ва "Барселона” бу классикони ютди. Аммо ҳаёт давом этади, Испания чемпионати баҳслари қизғин паллага кирди.
"Реал Мадрид” – "Барселона” – 1:3 (1:1)
Голлар: 1:0 – Бензема (1), 1:1 – Санчес (30), 1:2 – Марсело (53, ўз дарвозасига), 1:3 – Фабрегас (66).
РЕАЛ МАДРИД: Касильяс, Коэнтрау, Рамос, Пепе, Марсело, Л. Диарра (Хедира, 62), Алонсо, Озил (Кака, 58), Ди Мария (Игуаин, 68), Бензема, Роналду.
БАРСЕЛОНА: Вальдес, Дани Алвес, Пике, Пуйоль, Абидаль, Бускетс, Хави, Фабрегас (С. Кейта, 78), Иньеста (Педро, 89), Санчес (Вилья, 84), Месси.
Огоҳлантиришлар: Алонсо (26), Санчес (27), Месси (37), Пике (48), Л. Диарра (61), Пепе (62), Рамос (70).
11 декабрь. «Сантьяго Бернабеу» стадиони.
|
